ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ທັນວານີ້, ທ່ານ ມາເຣຍ ເຟີນານດາ ເອສປີໂນຊາ ປະທານສະມັດຊາໃຫຍ່ອົງການສະຫະປະຊາຊາດຊຸດທີ 73 ໄດ້ປະກາດເລີ່ມດຳເນີນການເຄື່ອນໄຫວຕ້ານມົນລະພິດທາງປາແລັສຕິກຂອງໂລກ.
ທ່ານ ມາເຣຍ ເຟີນານດາ ເອສປີໂນຊາ ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຊາດທີ່ນິວຢອກໃນມື້ດັ່ງກ່າວວ່າ: ຜະລິດຕະພັນທີ່ເຮັດດ້ວຍປາແລັສຕິກທີ່ໃຊ້ໄດ້ເທື່ອດຽວ 80% ຈະໄຫຼລົງທະເລໃນທີ່ສຸດ,ຄາດວ່າຮອດປີ 2050, ປະລິມານປາແລັສຕິກໃນທະເລຈະຫຼາຍກວ່າປະເພດປາ. ຫ້ອງການປະທານສະມັດຊາໃຫຍ່ອົງການສະຫະປະຊາຊາດຈະສຸມທຸກຄວາມພະຍາຍາມສະໜັບສະໜູນການເຄື່ອນໄຫວຕ້ານມົນລະພິດທາງປາແລັສຕິກຂອງໂລກ.
ການເຄື່ອນໄຫວຄັ້ງນີ້ຈັດຂຶ້ນໂດຍອົງການວາງແຜນອະນຸລັກສິ່ງແວດລ້ອມຂອງສະຫະປະຊາຊາດ,ປະເທດອັນຕີກວາແລະບາບູດາ,ນອກແວພ້ອມດ້ວຍອົງການແລະປະເທດອື່ນໆ. ໂດຍມີເປົ້າໝາຍກວມສອງດ້ານຄື: ໜຶ່ງ ຫຼຸດຂີ້ເຫຍື້ອປາແລັສຕິກໃນລະບົບອົງການສະຫະປະຊາຊາດ; ສອງ ດຳເນີນການຮ່ວມມືກັບປະເທດສະມາຊິກອົງການສະຫະປະຊາຊາດແລະອົງການທີ່ກ່ຽວຂ້ອງຂອງສະຫະປະຊາຊາດ,ຍົກສະຕິຄວາມຮັບຜິດຊອບຂອງມວນຊົນໃຫ້ສູງຂຶ້ນໃນຂອບເຂດທົ່ວໂລກ.
ຄຳເຫັນ
0