ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ກິດຈະກຳສາຍຮູບເງົາທີ່ດີເດັ່ນຈີນ-ກຳປູເຈຍຄັ້ງທີ 3 ຈະເລີ່ມຂຶ້ນຢູ່ 7 ແຂວງຂອງປະເທດກຳປູເຈຍໃນວັນທີ 5 ຫາວັນທີ 21 ທັນວານີ້.
ໂດຍສະຖານທູດຈີນປະຈຳກຳປູເຈຍ ແລະ ກະຊວງວັດທະນະທຳແລະສິລະປະກຳປູເຈຍຮ່ວມກັນເປັນເຈົ້າພາບຈັດຂຶ້ນ,ວິທະຍຸມິດຕະພາບຈີນ-ກຳປູເຈຍຂອງສະຖານີວິທະຍຸແລະໂທລະພາບສູນກາງຈີນແລະກຸ່ມບໍລິສັດຮູບເງົາຈີນເປັນຜູ້ຮັບເໝົາຈັດຂຶ້ນ. ໂດຍຈະສາຍຮູບເງົາຈີນຫຼາຍເລື່ອງເຊັ່ນ: “ທິມສາວເຈົ້າວາຍຸ”, “ຍຸດທະການທະເລແດງ”, “ນັກຮົບໝາປ່າພາກ Ⅱ”, “ກັງຟູໂຢຄະ” ແລະ “ພະຖັງຊຳຈັງ” ເປັນຕົ້ນ. ແລະຈະຈັດກິດຈະກຳຢູ່ບັດຕຳບັງ,ສຽມລຽບ,ກຳປົງທົມ,ສຕຸງເຕືອງ,ຣະຕະນາຄີຣີ,ມອນດູຄີຣີແລະນະຄອນຫຼວງພະນົມເປັນອີກ.
ນັບແຕ່ໄດ້ເລີ່ມດຳເນີນກິດຈະກຳສາຍຮູບເງົາທີ່ດີເດັ່ນຈີນ-ກຳປູເຈຍໃນປີ 2016 ເປັນຕົ້ນມາ, ທິມງານສາຍຮູບເງົາຂອງວິທະຍຸມິດຕະພາບຈີນ-ກຳປູເຈຍໄດ້ເດີນທາງໄປໃນ 14 ແຂວງຂອງກຳປູເຈຍ, ໄດ້ສາຍຮູບເງົາທີ່ດີເດັ່ນຂອງຈີນແລະກຳປູເຈຍ 10 ກວ່າເລື່ອງ 24 ຮອບໃຫ້ແກ່ປະຊາຊົນທ້ອງຖິ່ນຫຼາຍກວ່າ 4 ໝື່ນຄົນໄດ້ຮັບຊົມ.
ຄຳເຫັນ
0