ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 4 ທັນວານີ້ໃນໂອກາດເຂົ້າຮ່ວມການເຄື່ອນໄຫວຊຸມນຸມລະນຶກວັນນັກຮຽນຢູ່ແຂວງເຊັມນັນທາງພາກເໜືອອີຣານ, ທ່ານຮາຊັນ ຣູຮານີ ປະທານາທິບໍດີອີຣານກ່າວວ່າ, ອາເມຣິກາບໍ່ມີຄວາມສາມາດສະກັດກັ້ນການສົ່ງອອກນ້ຳມັນດິບຂອງອີຣານ.
ຕາມສະຖານີໂທລະພາບແຫ່ງຊາດອີຣານລາຍງານວ່າ, ໃນໂອກາດກ່າວປາໄສຢູ່ແຂວງເຊັມນັນທາງພາກເໜືອອີຣານ, ທ່ານຣູຮານີ ກ່າວວ່າ, ອີຣານພວມແລະຈະສືບຕໍ່ສົ່ງອອກນ້ຳມັນດິບອີກ, ອາເມຣິກາບໍ່ສາມາດສະກັດກັ້ນການສົ່ງອອກນ້ຳມັນດິບຂອງອີຣານໄດ້, ທັງບໍ່ມີຄວາມສາມາດຫ້າມອີຣານຂົນສົ່ງນ້ຳມັນເຊື້ອໄຟ. ຖ້າວ່າອີຣານບໍ່ສາມາດສົ່ງອອກນ້ຳມັນເຊື້ອໄຟພາຍໃຕ້ການຂວ້ຳບາດຂອງອາເມຣິກາ, ນ້ຳມັນເຊື້ອໄຟທີ່ຜະລິດຢູ່ເຂດອ່າວເປີເຊຍຈະບໍ່ສາມາດສົ່ງອອກໝົດ.
ຄຳກ່າວຂອງທ່ານຣູຮານີສະແດງໃຫ້ເຫັນວ່າປະເທດຕົນມີຄວາມສາມາດປິດລ້ອມຊ່ອງແຄບໂຮມຸສເຊິ່ງເປັນເສັ້ນທາງຂົນສົ່ງນ້ຳມັນດິບສຳຄັນທີ່ສຸດຂອງໂລກອີກຄັ້ງໜຶ່ງເຊິ່ງເຄີຍກ່າວມາແລ້ວໃນເດືອນກໍລະກົດປີນີ້.
ຄຳເຫັນ
0