ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ທັນວານີ້, ໂຄສົກກະຊວງການຄ້າຈີນໄດ້ໃຫ້ສຳພາດຕໍ່ນັກຂ່າວກ່ຽວກັບການເຈລະຈາດ້ານເສດຖະກິດ-ການຄ້າລະຫວ່າງຈີນ ແລະອາເມຣິກາວ່າ: ການພົບປະລະຫວ່າງປະມຸກລັດຈີນ-ອາເມຣິກາໄດ້ບັນລຸຜົນສຳເລັດ, ສອງຝ່າຍມີຄວາມໝັ້ນໃຈຕໍ່ການຈັດຕັ້ງປະຕິບັດການເຈລະຈາເພື່ອແກ້ໄຂບັນຫາເສດຖະກິດ-ການຄ້າລະຫວ່າງສອງປະເທດ.
ໂຄສົກກະຊວງການຄ້າຈີນກ່າວວ່າ: ຄະນະເສດຖະກິດ-ການຄ້າສອງຝ່າຍຈະຕັ້ງໜ້າຊຸກຍູ້ການເຈລະຈາຕາມເວລາ ແລະທິດທາງທີ່ກຳນົດໄວ້ໃນ 90 ມື້ຕໍ່ໜ້ານີ້. ຈີນຈະເລີ່ມຈັດຕັ້ງປະຕິບັດວຽກງານທີ່ໄດ້ບັນລຸຄວາມເຫັນເປັນເອກະພາບກັນໂດຍໄວ.
ເມື່ອບໍ່ດົນມານີ້, ທ່ານສີຈິ້ນຜິງ ປະທານປະເທດຈີນໄດ້ຕອບສະໜອງຕາມການເຊື້ອເຊີນຂອງທ່ານໂດໂນ ທຣຳ ປະທານາທິບໍດີອາເມຣິກາຮັບປະທານອາຫານແລງຮ່ວມກັນ ແລະຈັດການເຈລະຈາຢູ່ນະຄອນຫຼວງບູນົສໄອເຣສ, ປະມຸກລັດສອງປະເທດໄດ້ບັນລຸຄວາມເຫັນເປັນເອກະພາບກັນ, ຢຸດຕິການຂຶ້ນພາສີໃໝ່ ແລະຮຽກຮ້ອງຄະນະເສດຖະກິດສອງປະເທດເລັ່ງລັດການປຶກສາຫາລືຕາມທິດທາງລົບລ້າງການເກັບພາສີເພີ່ມທັງໝົດ ເພື່ອບັນລຸສັນຍາທີ່ຕ່າງຝ່າຍຕ່າງໄດ້ຮັບຜົນປະໂຫຍດ.
ຄຳເຫັນ
0