ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ທັນວານີ້ໃນໂອກາດໃຫ້ສຳພາດຕໍ່ສະຖານີໂທລະພາບ “ຣັດເຊຍ-1”, ທ່ານເຊີເກນາຣິສກິນ ຫົວໜ້າກົມຂ່າວລັບກ່ຽວກັບຕ່າງປະເທດຂອງຣັດເຊຍກ່າວວ່າ, ຣັດເຊຍຍິນດີສົນທະນາແລະຮ່ວມມືກັບປະເທດຕາເວັນຕົກກ່ຽວກັບເຫດການອະດີດນັກສືບຣັດເຊຍແລະລູກສາວຖືກວາງຢາພິດ, ແຕ່ວ່າການສົນທະນາດັ່ງກ່າວຄວນຕັ້ງຢູ່ບົນພື້ນຖານຄວາມສະເໝີພາບ, ຣັດເຊຍບໍ່ສາມາດດຳເນີນການສົນທະນາພາຍໃຕ້ເງື່ອນໄຂອື່ນໆ.
ທ່ານນາຣິສກິນ ກ່າວວ່າ, ອັງກິດປະຕິເສດບໍ່ເດີນຕາມທິດທາງດຽວກັນກັບຣັດເຊຍກ່ຽວກັບເຫດການດັ່ງກ່າວ. ຂະນະດຽວກັນນັ້ນ, ຣັດເຊຍເຫັນວ່າ, ອັງກິດມີການກະທຳທີ່ທຳລາຍຫຼັກຖານໃນຂະບວນການສືບສວນຄະດີ.
ທ່ານນມາຣິສກິນກ່າວຕື່ມວ່າ, ມີພຽງແຕ່ສອງຝ່າຍດຳເນີນການສືບສວນຮ່ວມກັນຕໍ່ເຫດການດັ່ງກ່າວຈຶ່ງຈະສາມາດຄົ້ນພົບຄວາມຈິງໄດ້. ປັດຈຸບັນ, ຣັດເຊຍເຫັນວ່າເຫດການດັ່ງກ່າວແມ່ນການກະທຳທ້າທາຍ. ທ່ານນາຣິສກິນຍັງກ່າວຕື່ມວ່າ, ພາຍຫຼັງເກີດເຫດການວາງຢາພິດແລ້ວ, ຣັດເຊຍເຄີຍກ່າວວ່າຍິນດີເຂົ້າຮ່ວມການສືບສວນທັນທີ.
ຄຳເຫັນ
0