ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ທັນວານີ້, ກອງປະຊຸມຕ່າງໆຂອງເວທີປຶກສາຫາລືການສົນທະນາກັບຈີນທົ່ວໂລກຄັ້ງທີ 5 ທີ່ຈັດຂຶ້ນຢູ່ນະຄອນຫຼວງລອນດອນ ປະເທດອັງກິດ ໄດ້ອັດລົງ. ໃນໄລຍະກອງປະຊຸມ 3 ວັນ ແຂກເກືອບ 50 ທ່ານຈາກອັງກິດ, ຈີນ, ອົສຕຣາລີ, ເຊັກ, ເຢຍລະມັນ, ອາເມຣິກາ ແລະ ປະເທດອື່ນໆ ໄດ້ແລກປ່ຽນແນວຄິດໃນ 4 ດ້ານຄື: ການກວມລວມ, ສະພາບແວດລ້ອມ, ສິດທິຜົນປະໂຫຍດ ແລະການປະທະກັນ ໂດຍປິ່ນອ້ອມຫົວຂໍ້ວ່າ “ການບໍລິຫານໂລກຢ່າງເປັນທຳ”.
ເວທີປຶກສາຫາລືຄັ້ງນີ້ເນັ້ນຫົວຂໍ້ກ່ຽວກັບການຄົ້ນຄວ້າການພົວພັນລະຫວ່າງຄວາມເປັນທຳກັບການບໍລິຫານໂລກ, ໂດຍໄດ້ເຊື້ອເຊີນນັກວິຊາການຂອງຈີນແລະປະເທດຕາເວັນຕົກເພື່ອປຶກສາຫາລືກັນ ເຊິ່ງມີຄວາມໝາຍຫຼາຍ.
ທ່ານ ຊ້ຽງສຽວເຫວີຍ ທີ່ປຶກສາວັດທະນະທຳຂອງສະຖານທູດຈີນປະຈຳອັງກິດ ໄດ້ກ່າວໃນພິທີອັດກອງປະຊຸມວ່າ: ໃນຖານະເປັນເວທີທີ່ສະແດງສະຕິປັນຍາຂອງຈີນຢູ່ຕ່າງປະເທດ, ເວທີປຶກສາຫາລືການສົນທະນາກັບຈີນທົ່ວໂລກ ໄດ້ເປັນຂົວຕໍ່ລະຫວ່າງວົງການວິຊາການແລະວົງການຂະແໜງການ, ເປັນການແລກປ່ຽນຄວາມຮູ້ຂອງຈີນກັບຄວາມຮູ້ຂອງໂລກ ທັງສ້າງໂອກາດດີໃນການສົນທະນາລະຫວ່າງວັດທະນະທຳທີ່ຕ່າງກັນ.
ຄຳເຫັນ
0