ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສະຫະພັນມະຫາວິທະຍາໄລອາຊີໃຕ້ອາຊີຕາເວັນອອກສຽງໃຕ້ໄດ້ສ້າງຕັ້ງຂຶ້ນຢູ່ນະຄອນຄຸນມິງ ແຂວງຢູນນານ ສປ ຈີນໃນວັນທີ 10 ທັນວານີ້ ເຊິ່ງມີມະຫາວິທະຍາໄລ 103 ແຫ່ງຈາກ16 ປະເທດເຊັ່ນ ຈີນ, ອິນເດຍ, ໄທ,ສິງກະໂປແລະປະເທດອື່ນໆເຂົ້າເປັນສະມາຊິກສະຫະພັນດັ່ງກ່າວ.
ສະຫະພັນມະຫາວິທະຍາໄລອາຊີໃຕ້ອາຊີຕາເວັນອອກສຽງໃຕ້ເປັນສະຫະພັນມະຫາວິທະຍາໄລປະເທດໃນພາກພື້ນທີ່ບໍ່ຫວັງຜົນກຳໄລແລະບໍ່ເປັນນິຕິບຸກຄົນ, ມີຈຸດປະສົງເພື່ອເພີ່ມຄວາມເຂົ້າໃຈກັນລະຫວ່າງປະຊາຊົນຈີນກັບບັນດາປະເທດໃນອາຊີໃຕ້ອາຊີຕາເວັນອອກສຽງໃຕ້, ສ້າງເວທີສຳລັບການແລກປ່ຽນແລະຮ່ວມມືດ້ານການສຶກສາຊັ້ນສູງໃນພາກພື້ນ, ຊຸກຍູ້ການຄົ້ນຄວ້າການຮ່ວມມືໃນຂົງເຂດພັດທະນາບູລິມະສິດໃນພາກພື້ນ, ຍົກລະດັບການຮ່ວມມືລະຫວ່າງມະຫາວິທະຍາໄລຂອງຈີນກັບປະເທດອາຊີໃຕ້ອາຊີຕາເວັນອອກສຽງໃຕ້, ສ້າງປະຊາຄົມການສຶກສາຊັ້ນສູງຂອງພາກພື້ນ.
ສະຫະພັນມະຫາວິທະຍາໄລອາຊີໃຕ້ອາຊີຕາເວັນອອກສຽງໃຕ້ປະກອບດ້ວຍມະຫາວິທະຍາໄລ 103 ແຫ່ງຂອງ 16 ປະເທດຄື: ຈີນ, ອັຟການິສະຖານ,ປາກີສະຖານ,ກຳປູເຈຍ, ລາວ, ມຽນມາ, ບັງກາລາເດັດ,ມານດິວ, ມາເລເຊຍ,ເນປານ,ສີລັງກາ,ໄທ,ສິງກະໂປ,ອິນເດຍ, ອິນໂດເນເຊຍແລະຫວຽດນາມ. ມີສຳນັກງານຖາວອນຂອງກອງເລຂາຂອງສະຫະພັນດັ່ງກ່າວຕັ້ງຢູ່ມະຫາວິທະຍາໄລຢູນນານ.
ຄຳເຫັນ
0