ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານມະຫາກຳກິລາມິດຕະພາບເຂດເຕີບໂຕພາກຕາເວັນອອກອາຊຽນຫຼືEAGAຄັ້ງທີ 10 ທີ່ຈັດຂຶ້ນຢູ່ນະຄອນຫຼວງບານດາເຊຣີເບກາວັນ ປະເທດບຣູໄນໄດ້ອັດລົງແລ້ວໃນຕອນບ່າຍວັນທີ 9 ທັນວານີ້, ທີມບາຊາມາເລເຊຍຄອງອັນດັບໜຶ່ງໃນຕາຕະລາງຫຼຽນຄຳ, ທີມAບຣູໄນ ເປັນທີ 2, ທີມເຂດພາກເໜືອຂອງອົສຕຣາລີເປັນທີ 3.
ງານມະຫາກຳກິລາຄັ້ງນີ້ຈັດຂຶ້ນແຕ່ວັນທີ 7-9 ທັນວານີ້. ບຣູໄນ,ມາເລເຊຍ,ອິນໂດເນເຊຍ,ຟີລິບປິນແລະເຂດພາກເໜືອອົສຕຣາລີໄດ້ສົ່ງທີມກິລາທັງໝົດ 10 ທີມເຂົ້າຮ່ວມການແຂ່ງຂັນກິລາ 8 ປະເພດຄື ກິລາທາງນ້ຳ, ລອນໂບວ(lawnbowls), ຄາຣາເຕໂດ,ແລ່ນແລະລານ,ວູຊູຈີນ,ວູຊູມາເລເຊຍ,ກະຕໍ້ແລະແທກວອນໂດ.ບຣູໄນໄດ້ສົ່ງສອງທີມ ຄື ທີມ A ແລະທີມ B ຊີງໄດ້ຫຼຽນຄຳ 18 ຫຼຽນ, ຫຼຽນເງິນ 13 ຫຼຽນ, ຫຼຽນທອງ 16 ຫຼຽນ, ເຊິ່ງໄດ້ສ້າງສະຖິຕິສູງສຸດ ໃນປະຫວັດການເຂົ້າຮ່ວມງານມະຫາກຳກິລາດັ່ງກ່າວຂອງປະເທດຕົນ.
ງານມະຫາກຳກິລາມິດຕະພາບEAGAຈັດຂຶ້ນສອງປີຄັ້ງໜຶ່ງ, ງານມະຫາກຳກິລາຄັ້ງຜ່ານມາຈັດຂຶ້ນຢູ່ອິນໂດເນເຊຍໃນເດືອນ 12 ປີ 2016, ສ່ວນຄັ້ງຕໍ່ໄປຈະຈັດຂຶ້ນຢູ່ມິນດານາວ ປະເທດຟີລິບປິນໃນປີ2020.
ຄຳເຫັນ
0