ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ທັນວານີ້, ທ່ານ ຟາຕີ ບີໂຣ ຜູ້ອຳນວຍການໃຫຍ່ອົງການພະລັງງານສາກົນກ່າວວ່າ: ຕະຫຼາດຄ້າຂາຍການລະບາຍກາກບອນຂອງຈີນ ຈະເປັນຕະຫຼາດກາກບອນທີ່ໃຫຍ່ທີ່ສຸດໃນໂລກຫຼັງສ້າງສຳເລັດ, ທັງຈະກາຍເປັນແບບຢ່າງໃຫ້ແກ່ປະເທດພວມພັດທະນາອື່ນໆໃນໂລກ ແລະສ້າງແຮງບັນດານໃຈໃຫ້ປະເທດເຫຼົ່ານີ້ໃນການສ້າງຕະຫຼາດກາກບອນ.
ໃນເວລາເຂົ້າຮ່ວມກອງປະຊຸມຕະຫຼາດກາກບອນ “ມູມຈີນ” ຂອງກອງປະຊຸມການປ່ຽນແປງຂອງດິນຟ້າອາກາດຄາໂຕວິສໃນມື້ດຽວກັນ, ທ່ານ ບີໂຣ ຍັງກ່າວວ່າ: ຈີນໄດ້ປະສົບຄວາມສຳເລັດຢ່າງພົ້ນເດັ່ນໃນການປະຢັດພະລັງງານ, ຫຼຸດການລະບາຍມົນລະພິດ ແລະຮັບມືກັບການປ່ຽນແປງຂອງດິນຟ້າອາກາດ ເຊິ່ງໄດ້ປະກອບສ່ວນອັນໃຫຍ່ຫຼວງໃຫ້ໂລກ. ປີຜ່ານມາ, ຄວາມສາມາດການຜະລິດໄຟຟ້າດ້ວຍພະລັງງານໝູນວຽນທີ່ເພີ່ມຂຶ້ນໃນທົ່ວໂລກ ມີເກືອບເຄິ່ງໜຶ່ງຢູ່ຈີນ. ນອກນີ້, ຈີນໄດ້ຜະລິດລົດໄຟຟ້າກວມຈຳນວນເຄິ່ງໜຶ່ງຂອງໂລກ ແລະຍັງສຸມໃສ່ການໂຄສະນາກ່ຽວກັບລົດເມທີ່ໃຊ້ໄຟຟ້າໃນທົ່ວໂລກ.
ຄຳເຫັນ
0