ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານໂຄສະນາງານວາງສະແດງສິນຄ້ານຳເຂົ້າສາກົນຈີນຄັ້ງທີ 2 ໄດ້ຈັດຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍໃນວັນທີ 10 ທັນວານີ້ ເຊິ່ງໄດ້ດຶງດູດຜູ້ຕາງໜ້າວົງການອຸດສາຫະກຳການຄ້າອິນໂດເນເຊຍຮ້ອຍກວ່າຄົນເຂົ້າຮ່ວມ.
ທ່ານ ລິວຟູເຊວ ຮອງຫົວໜ້າອົງການວາງສະແດງສິນຄ້ານຳເຂົ້າສາກົນຈີນ ກ່າວໃນງານໂຄສະນາວ່າ: ງານວາງສະແດງສິນຄ້ານຳເຂົ້າ ແມ່ນງານວາງສະແດງລະດັບຊາດທີ່ເນັ້ນຫົວຂໍ້ສິນຄ້ານຳເຂົ້າແຫ່ງທຳອິດໃນໂລກ, ການຈັດງານວາງສະແດງສິນຄ້ານຳເຂົ້າຄັ້ງທຳອິດທີ່ປະສົບຜົນສຳເລັດນັ້ນ ໄດ້ສະແດງໃຫ້ເຫັນເຖິງຄວາມຕັດສິນໃຈຂອງຈີນທີ່ເປີດປະຕູຕໍ່ຕະຫຼາດໂລກຢ່າງເປັນເຈົ້າການ. ປັດຈຸບັນ, ວິສາຫະກິດຈຳນວນຫຼວງຫຼາຍໄດ້ສະເໜີຕົວເຂົ້າຮ່ວມງານສະແດງຄັ້ງທີ 2 ແລ້ວ, ພວກເຮົາກໍຍິນດີຕ້ອນຮັບວິສາຫະກິດອິນໂດເນເຊຍທີ່ມີຄວາມປາຖະໜາເຂົ້າຮ່ວມນັ້ນ ຂ້ຽວສະເໜີຕົວໂດຍໄວ.
ເຈົ້າໜ້າທີ່ກະຊວງການຄ້າອິນໂດເນເຊຍທີ່ເຂົ້າຮ່ວມງານໂຄສະນາຄົນໜຶ່ງກ່າວວ່າ: ງານວາງສະແດງສິນຄ້ານຳເຂົ້າແມ່ນປະຕູສຳຄັນໃນການໂຄສະນາຈຳໜ່າຍຜະລິດຕະພັນຂອງອິນໂດເນເຊຍ ແລະປະເທດຕົນໄດ້ຮັບໝາກຜົນອັນພົ້ນເດັ່ນໃນການເຂົ້າຮ່ວມງານວາງສະແດງຄັ້ງທຳອິດ. ກະຊວງການຄ້າອິນໂດເນເຊຍ ຈະສົ່ງເສີມໃຫ້ດີກວ່າເກົ່າເພື່ອໃຫ້ວິສາຫະກິດປະເທດຕົນເຂົ້າຮ່ວມງານວາງສະແດງຄັ້ງທີ 2 ໃຫ້ຫຼາຍກວ່າເກົ່າ ແລະຫວັງວ່າຈະໄດ້ຮັບຮ້ານວາງສະແດງຫຼາຍກວ່າເກົ່າ.
ຄຳເຫັນ
0