ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພິທີສະເຫຼີມສະຫຼອງສູນຈີນ-ອາຊຽນສ້າງຕັ້ງຂຶ້ນຄົບຮອບ 7 ປີໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 10 ທັນວານີ້.
ທ່ານເສິນເຕີໄຫ ເລຂາທິການໃຫຍ່ສູນຈີນ-ອາຊຽນໄດ້ປະກອບຄຳເຫັນວ່າ: ປີ 2018 ເປັນປີຄົບຮອບ 15 ປີແຫ່ງການສ້າງຕັ້ງສາຍພົວພັນຄູ່ຮ່ວມຍຸດທະສາດຈີນ-ອາຊຽນແລະປີປະດິດສ້າງຈີນ-ອາຊຽນ. ສາຍພົວພັນຈີນ-ອາຊຽນໄດ້ກ້າວເຂົ້າສູ່ຍຸກໃໝ່ທີ່ຍົກລະດັບແລະຍົກຄຸນນະພາບໃຫ້ສູງຂຶ້ນ, ປີ 2019 ເປັນປີແລກປ່ຽນລະຫວ່າງສື່ມວນຊົນຈີນ-ອາຊຽນ, ພວກເຮົາມີຄວາມໝັ້ນໃຈຢ່າງເຕັມປ່ຽມຕໍ່ອະນາຄົດທີ່ສົດໃສຂອງສາຍພົວພັນຈີນ-ອາຊຽນ.
ທ່ານສະເຕນໄລ ລອກ ຄາ ລຽງ ເອກອັກຄະລັດຖະທູດສິງກະໂປປະຈຳຈີນປະກອບຄຳເຫັນວ່າ: ປີ 2018 ເປັນປີທີ່ໄດ້ຮັບຜົນສຳເລັດຢ່າງຫຼວງຫຼາຍ, ກິດຈະກຳປີປະດິດສ້າງຈີນ-ອາຊຽນທີ່ຈັດຂຶ້ນໄດ້ຮັບຜົນສຳເລັດຢ່າງຈົບງາມ. ປີໜ້າເປັນປີແລກປ່ຽນລະຫວ່າງສື່ມວນຊົນຈີນ-ອາຊຽນ, ຫວັງວ່າສູນຈີນ-ອາຊຽນຈະຈັດກິດຈະກຳທາງການທູດສາທາລະນະທີ່ມີຫຼາຍສີ ສັນກວ່າເກົ່າ.
ສູນຈີນ-ອາຊຽນສ້າງຕັ້ງຂຶ້ນຢູ່ເກາະບາຫຼີ ປະເທດອິນໂດເນເຊຍໃນເດືອນພະຈິກປີ 2011, ເປັນອົງການຈັດຕັ້ງສາກົນໃນລະດັບລັດຖະບານທີ່ຈີນຮ່ວມກັບລັດຖະບານບັນດາປະເທດອາຊຽນສ້າງຕັ້ງຂຶ້ນ.
ຄຳເຫັນ
0