ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານນາງເທເຣຊາ ເມຣີ ເມ ນາຍົກລັດຖະມົນຕີອັງກິດຢືນຢັນໃນວັນທີ 10 ທັນວານີ້ວ່າ ຕົນຈະເລື່ອນເວລາຈັດການລົງຄະແນນສຽງສັນຍາຖອນອອກຈາກສະຫະພາບເອີຣົບໃນສະພາຕ່ຳ ທັງຈະສືບຕໍ່ເຈລະຈາກັບສະຫະພາບເອີຣົບກ່ຽວກັບເນື້ອໃນສັນຍາພາຍໃນວັນຂ້າງໜ້ານີ້.
ຕາມແຜນການ, ໃນວັນທີ 11 ທັນວານີ້,ສະພາຕ່ຳອັງກິດຈະດຳເນີນການລົງຄະແນນສຽງສັນຍາຖອນອອກຈາກສະຫະພາບເອີຣົບທີ່ລັດຖະບານອັງກິດກັບສະຫະພາບເອີຣົບໄດ້ຕົກລົງກັນກ່ອນໜ້ານີ້.ແຕ່ທ່ານນາງເທເຣຊາ ເມ ກ່າວໃນວັນທີ 10 ທັນວານີ້ວ່າ: ບັນດາສະມາຊິກສະພາສະໜັບສະໜູນເນື້ອໃນສຳຄັນຫຼາຍດ້ານຂອງສັນຍາສະບັບນີ້, ແຕ່ກໍຍັງມີຄວາມເປັນຫ່ວງຕໍ່ເນື້ອໃນບາງຕອນກ່ຽວກັບບັນຫາຊາຍແດນອຽກລັງຫຼັງອັງກິດຖອນອອກຈາກສະຫະພາບເອີຣົບ. ຖ້າວ່າດຳເນີນການລົງຄະແນນສຽງຕາມແຜນການທີ່ກຳນົດໄວ້, ສັນຍາດັ່ງກ່າວອາດຈະບໍ່ສາມາດຜ່ານການຮັບຮອງຈາກສະພາກໍເປັນໄປໄດ້.
ໃນວັນດຽວກັນ, ທ່ານເຈຣີມີ ໂຄບິນ ຜູ້ນຳພັກແຮງງານ ເຊິ່ງເປັນພັກຝ່າຍຄ້ານໃຫຍ່ທີ່ສຸດຂອງອັງກິດກ່າວວ່າ: ຖ້າວ່າ ນາງເທເຣຊາ ເມ ບໍ່ສາມາດຮັບປະກັນວ່າຈະບັນລຸການເຊັນສັນຍາສະບັບໃໝ່ກັບສະຫະພາບເອີຣົບ, ຄັນຊັ້ນ ນາງຄວນລາອອກຈາກຕຳແໜ່ງທັນທີ.
ຄຳເຫັນ
0