ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວທີປຶກສາຫາລືອະທິການບໍດີມະຫາວິທະຍາໄລອາຊີໃຕ້ອາຊີຕາເວັນອອກສຽງໃຕ້ຄັ້ງທີ 2 ໄດ້ຈັດຂຶ້ນຢູ່ນະຄອນຄຸນມິງປະເທດຈີນໃນຕອນບ່າຍວັນທີ 10 ທັນວານີ້ ໂດຍມີຜູ້ຕາງໜ້າຈາກໂຮງຮຽນຊັ້ນສູງ 87 ແຫ່ງຂອງ 15 ປະເທດຄື: ຈີນ, ອິນເດຍ ແລະໄທເປັນຕົ້ນເຂົ້າຮ່ວມ.
ເວທີປຶກສາຫາລືຄັ້ງນີ້ມີຫົວຂໍ້ວ່າ “ຖອດຖອນບົດຮຽນເຊິ່ງກັນແລະກັນ, ຮ່ວມມືກັນຢ່າງແທດເໝາະກັບຕົວຈິງ”, ໂດຍໄດ້ຕັ້ງ 2 ຫົວຂໍ້ຫາລືຄື: “ການສ້າງແລະພັດທະນາປະຊາຄົມຮ່ວມການສຶກສາຊັ້ນສູງສາກົນລະຫວ່າງພາກພື້ນ” ແລະ “ການຄົ້ນຄວ້າແລະບົດຮຽນໃນການຫັນມະຫາວິທະຍາໄລເປັນສາກົນ”, ເຊິ່ງມີອະທິການບໍດີແລະຜູ້ຕາງໜ້າຂອງມະຫາວິທະຍາໄລ 200 ກວ່າຄົນເຂົ້າຮ່ວມ. ກ່ອນຈັດເວທີປຶກສາຫາລື, ຜູ້ເຂົ້າຮ່ວມປະຊຸມ ຍັງໄດ້ເປັນສັກຂີພິຍານໃຫ້ແກ່ການສ້າງຕັ້ງສະຫະພັນມະຫາວິທະຍາໄລອາຊີໃຕ້ອາຊີຕາເວັນອອກສຽງໃຕ້ທີ່ປະກອບມີມະຫາວິທະຍາໄລ 103 ແຫ່ງຂອງ 16 ປະເທດ.
ໃນເວທີປຶກສາຫາລືໃນມື້ດຽວກັນ, ຜູ້ເຂົ້າຮ່ວມປະຊຸມໄດ້ສະແດງຄວາມຊົມເຊີຍຕໍ່ການສ້າງຕັ້ງສະຫະພັນດັ່ງກ່າວ ໂດຍເປັນເອກະພາບກັນເຫັນວ່າມອການສ້າງຕັ້ງສະຫະພັນດັ່ງກ່າວ ມີຜົນດີຕໍ່ໂຮງຮຽນຊັ້ນສູງລະຫວ່າງພາກພື້ນໃນການຮັບມືກັບສິ່ງທ້າທາຍແຫ່ງການຫັນການສຶກສາເປັນແບບສາກົນຮ່ວມກັນ ທັງຈະຊຸກຍູ້ການພັດທະນາເສດຖະກິດ-ສັງຄົມລະຫວ່າງພາກພື້ນນຳອີກ.
ຄຳເຫັນ
0