ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ທັນວານີ້, ທ່ານຫວາງຢີ້, ລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມພິທີໄຂກອງປະຊຸມສຳມະນາສະຖານະການສາກົນແລະການທູດຂອງຈີນປີ 2018 ແລະກ່າວປາໄສ. ໂດຍກ່າວວ່າ, ປີນີ້ແມ່ນການປະຕິຮູບແລະເປີດປະຕູສູ່ພາຍນອກຂອງຈີນຄົບຮອບ 40 ປີ. ການເປີດກວ້າງການເປີດປະຕູສູ່ພາຍນອກຕື່ມອີກບົນພື້ນຖານລົງເລິກການປະຕິຮູບ, ແມ່ນຄັນທຸງຜືນໜຶ່ງຂອງຈີນໃນປີນີ້.
ທ່ານຫວາງຢີ້ ກ່າວວ່າ, ໂດຍຜະເຊີນກັບລັດທິປົກປ້ອງການຄ້າແລະລັດທິເຈົ້າອຳນາດແຕ່ຝ່າຍດຽວກຳເນີດເກີດຂຶ້ນອີກ, ຈີນສະໜັບສະໜູນຂະບວນໂລກາພິວັດ, ຍຶດໝັ້ນລະບົບການຄ້າເສລີ, ແລະຮັກສາລະບຽບການລັດທິຫຼາຍຝ່າຍ. ຈາກຕົ້ນປີນີ້ຫາທ້າຍປີນີ້, ຈາກການເປັນເຈົ້າພາບກອງປະຊຸມສາກົນຫາກອງປະຊຸມສາກົນຈັດຂຶ້ນຢູ່ຕ່າງປະເທດ, ຈາກການໂຄສະນານະໂຍບາຍຕະຫຼອດເຖິງການໃຊ້ມາດຕະການເຮັດແທ້ທຳຈິງ, ຈີນໄດ້ສົ່ງສັນຍານເປີດກວ້າງການເປີດປະຕູສູ່ພາຍນອກຢ່າງຈະແຈ້ງຕໍ່ພາຍນອກຢ່າງບໍ່ຢຸດຢັ້ງ, ຍຶດໝັ້ນທິດທາງທີ່ຖືກຕ້ອງໃນຂະບວນການກ້າວໜ້າທາງປະຫວັດສາດ.
ຄຳເຫັນ
0