ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ທັນວານີ້, ອົງການຮ່ວມມືແລະພັດທະນາເຄືອຂ່າຍເຊື່ອມຕໍ່ພະລັງງານທົ່ວໂລກແລະກອງເລຂາທິການສັນຍາຂອບການປ່ຽນແປງຂອງດິນຟ້າອາກາດອົງການສະຫະປະຊາຊາດໄດ້ຮ່ວມກັນເປີດເຜີຍ ແຜນດຳເນີນງານວ່າດ້ວຍເຄືອຂ່າຍເຊື່ອມຕໍ່ພະລັງງານທົ່ວໂລກເພື່ອສົ່ງເສີມການປະຕິບັດສັນຍາປາຣີ ທັງຮ່ວມກັນສ້າງຕັ້ງພັນທະມິດຄັງປັນຍາເຄືອຂ່າຍເຊື່ອມຕໍ່ພະລັງງານໂລກ.
ຂ່າວແຈ້ງວ່າ: ແຜນດຳເນີນງານສະບັບນີ້ໄດ້ເປີດເຜີຍໃນໄລຍະກອງປະຊຸມການປ່ຽນແປງຂອງດິນຟ້າອາກາດອົງການສະຫະປະຊາຊາດໃນປີ 2018ໂດຍໄດ້ເຊື່ອຕໍ່ກັບເປົ້າໝາຍຕ່າງໆທີ່ເປັນເງື່ອນໄຂສຳຄັນໃນການຮັບມືກັບການປ່ຽນແປງດິນຟ້າອາກາດຂອງໂລກ, ສະເໜີແຜນການແກ້ໄຂຢ່າງເປັນລະບົບສຳລັບເຄືອຂ່າຍເຊື່ອມຕໍ່ພະລັງງານທົ່ວໂລກເພື່ອສົ່ງເສີມການປະຕິບັດສັນຍາປາຣີຈາກ 5 ດ້ານຄື : ສະພາບການພັດທະນາ,ແຜນການຫຼຸດຜ່ອນການປ່ອຍມົນລະພິດ,ການເຊື່ອມຕໍ່ແນວຄວາມຄິດ,ການດຳເນີນງານຂອງບັນດາທະວີບແລະກົນໄກແກ້ໄຂ ເຊິ່ງຈະເປັນການສະໜອງແຜນການດຳເນີນງານແລະກົນໄກຮັບປະກັນໃຫ້ບັນດາປະເທດໃນໂລກດຳເນີນການຮ່ວມມືແບບຕິດແທດຕົວຈິງເພື່ອບັນລຸເປົ້າໝາຍການພັດທະນາແບບກາກບອນຕ່ຳ.
ຕາມແຜນການດຳເນີນງານສະບັບນີ້ລະບຸວ່າ: ເຄືອຂ່າຍເຊື່ອມຕໍ່ພະລັງງານທົ່ວໂລກສາມາດບັນລຸເປົ້າໝາຍເຮັດໃຫ້ປະລິມານການພັດທະນາພະລັງງານທີ່ສະອາດໃນທົ່ວໂລກຍົກສູງຂຶ້ນ 4 ເທົ່າ; ຈັງຫວະການເຕີບໂຕສະເລ່ຍຕໍ່ປີຂອງການນຳໃຊ້ພະລັງງານທີ່ສະອາດຍົກສູງຂຶ້ນ 5 ເທົ່າ; ຈຳກັດການລະບາຍທາດກາກບອນຂອງໂລກໃຫ້ຢູ່ໃນລະດັບເພດານທີ່ກຳນົດໄວ້ກ່ອນຫຼືຫຼັງປີ 2025, ແລະເມື່ອຮອດປີ 2050ຕ້ອງໃຫ້ຫຼຸດລົງບໍ່ເຖິງເຄິ່ງໜຶ່ງຂອງປີ 1990.
ຄຳເຫັນ
0