ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ທັນວານີ້, ຫ້ອງການຖະແຫຼງຂ່າວຂອງລັດຖະບານຈີນໄດ້ອອກປຶ້ມປົກຂາວ “ການພັດທະນາແລະຄວາມກ້າວໜ້າດ້ານພາລະກິດສິດທິມະນຸດຂອງຈີນຕະຫຼອດໄລຍະ 40 ປີແຫ່ງການປະຕິຮູບແລະເປີດປະຕູສູ່ພາຍນອກ”.
ປຶ້ມປົກຂາວລະບຸວ່າ, ປີ 2018 ແມ່ນປີແຫ່ງການປະຕິຮູບແລະເປີດປະຕູສູ່ພາຍນອກຂອງຈີນຄົບຮອບ 40 ປີ. ການປະຕິຮູບເປີດປະຕູສູ່ພາຍນອກແມ່ນການປະຕິວັດອັນຍິ່ງໃຫຍ່ຂອງປະຊາຊົນທົ່ວປະເທດຈີນທີ່ພ້ອມກັນຈັດຕັ້ງປະຕິບັດພາຍໃຕ້ການນຳພາຂອງພັກກອມມູນິດຈີນໃນເງື່ອນໄຂໃໝ່, ໄດ້ບຸກເບີກເສັ້ນທາງສັງຄົມນິຍົມທີ່ມີສີສັນພິເສດຂອງຈີນຢ່າງສຳເລັດຜົນ, ທັງໄດ້ເປີດສາກຄັ້ງໃໝ່ໃນພາລະກິດການພັດທະນາສິດທິມະນຸດຂອງຈີນ.
ປຶ້ມປົກຂາວຊີ້ອອກວ່າ, ໃນ 40 ປີຜ່ານມາ, ຈີນໄດ້ຖອດຖອນບົດຮຽນປະຫວັດສາດ, ຮ່ຳຮຽນເອົາຜົນງານການພັດທະນາອາລະຍະທຳຂອງມວນມະນຸດ, ຍຶດໝັ້ນຫຼັກການທົ່ວໄປດ້ານສິດທິມະນຸດປະສານສົມທົບກັບສະພາບຕົວຈິງຂອງປະເທດຕົນ, ປະດິດສ້າງທັດສະນະຄະຕິການພັດທະນາສິດທິມະນຸດໃໝ່ຢ່າງບໍ່ຢຸດຢັ້ງ, ໄດ້ກຳເນີດທັດສະນະຄະຕິໃໝ່ດ້ານການພັດທະນາສິດທິມະນຸດທີ່ຖືຄົນເປັນເຄົ້າ, ຖືສິດການຢູ່ລອດແລະສິດພັດທະນາເປັນສິ່ງສຳຄັນທີ່ສຸດ, ຖືການເພີ່ມທະວີການສ້າງລະບຽບກົດໝາຍດ້ານສິດທິມະນຸດຢ່າງຮອບດ້ານເປັນແນວທາງ, ແລະຖືການພັດທະນາສິດທິມະນຸດຕ່າງໆຢ່າງສັງລວມແລະກົມກຽວເປັນເປົ້າໝາຍ.
ປຶ້ມປົກຂາວຍັງລະບຸວ່າ, ໃນ 40 ປີຜ່ານມານີ້, ຈີນໄດ້ດຳເນີນການແລກປ່ຽນແລະຮ່ວມມືໃນຂົງເຂດສິດທິມະນຸດຢ່າງກວ້າງຂວາງ, ປະຕິບັດພັນທະສິດທິມະນຸດສາກົນຢ່າງຫ້າວຫັນ, ເຂົ້າຮ່ວມວຽກງານສິດທິມະນຸດສາກົນຢ່າງຮອບດ້ານ, ຕັ້ງໜ້າຊຸກຍູ້ການປ່ຽນແປງລະບົບຄຸ້ມຄອງສິດທິມະນຸດທົ່ວໂລກ, ສຸມກຳລັງເພື່ອສ້າງປະຊາຄົມຮ່ວມຊາຕາກຳມວນມະນຸດ, ເປັນການປະກອບສ່ວນໃໝ່ຢ່າງບໍ່ຢຸດຢັ້ງເພື່ອຊຸກຍູ້ການພັດທະນາສິດທິມະນຸດຂອງໂລກ.
ຄຳເຫັນ
0