ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ທັນວານີ້, ເວັບໄຊລາຊະກິດໄທໄດ້ລາຍງານວ່າ: ຫົວໜ້າຄະນະຮັກສາຄວາມສະຫງົບແຫ່ງຊາດ ຫຼື ຄສຊ ໄດ້ຄຳສັ່ງວ່າ: ເພື່ອການເລືອກຕັ້ງທົ່ວໄປທີ່ຈະຈັດຂຶ້ນໃນໄວໆນີ້, ໄດ້ມີຄຳສັ່ງໃຫ້ພັກການເມືອງສາມາດຈັດກິດຈະກຳໄດ້ ຄື: ການຫາສຽງເປັນຕົ້ນ.
ຄຳສັ່ງຂອງຫົວໜ້າ ຄສຊ ລະບຸວ່າ: “ກົດໝາຍການເລືອກຕັ້ງສະມາຊິກສະພາຕ່ຳ” ຈະມີຜົນບັງຄັບໃຊ້ແຕ່ວັນທີ 11 ທັນວານີ້ເປັນຕົ້ນໄປ ແລະໃນກົດໝາຍໄດ້ລະບຸວ່າຈະອອກໜັງສືປະກາດຂອງເຈົ້າຊີວິດຫຼັງຈາກກົດໝາຍດັ່ງກ່າວມີຜົນບັງຄັບໃຊ້ພາຍໃນ 90 ມື້ ວັນເພ່ອປະກາດຈັດການເລືອກຕັ້ງທົ່ວໄປຢ່າງເປັນທາງການ. ໃນວັນທີ 11 ທັນວານີ້, ທ່ານວິສະນຸ ເຄືອງງາມ ຮອງນາຍົກລັດຖະມົນຕີໄທໄດ້ກ່າວວ່າ: ເຖິງວ່າປັດຈຸບັນນີ້ຍັງບໍ່ທັນອອກຄຳສັ່ງໃຫ້ຈັດການເລືອກຕັ້ງທົ່ວໄປກໍຕາມ, ແຕ່ບັນດາພັກການເມືອງສາມາດຈັດກອງປະຊຸມ ແລະດຳເນີນການຫາສຽງໄດ້, ຂະນະດຽວກັນຍັງສາມາດເປີດເຜີຍລາຍຊື່ຜູ້ສະໝັກຮັບເລືອກຕັ້ງເປັນນາຍົກລັດຖະມົນຕີຂອງພັກຕົນໄດ້.
ຄຳເຫັນ
0