ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 12 ທັນວານີ້, ທ່ານນາງເທເຣຊາ ເມ ນາຍົກລັດຖະມົນຕີອັງກິດໄດ້ຜ່ານການທົດສອບໃນການລົງຄະແນນສຽງບໍ່ໄວ້ວາງໃຈຂອງພັກອະນຸລັກນິຍົມ ແລະສາມາດຮັກສາຕຳແໜ່ງຜູ້ນຳພັກດັ່ງກ່າວແລະນາຍົກລັດຖະມົນຕີອັງກິດໄດ້.
ຕາມກົດລະບຽບກຳນົດໄວ້ວ່າ: ຖ້າຫາກນາຍົກລັດຖະມົນຕີອັງກິດບໍ່ສາມາດໄດ້ຮັບຄະແນນສຽງໄວ້ວາງໃຈຫຼາຍກວ່າເຄິ່ງໜຶ່ງພາຍໃນພັກຂອງຕົນ, ກໍຄວນລາອອກຈາກຕຳແໜ່ງ ແລ້ວພັກນັ້ນຈະເລືອກຕັ້ງຜູ້ນຳພັກຄົນໃໝ່; ຖ້າວ່າ ນາຍົກລັດຖະມົນຕີໄດ້ຄະແນນສຽງໄວ້ວາງໃຈຫຼາຍກວ່າເຄິ່ງໜຶ່ງ, ພາຍໃນພັກດັ່ງກ່າວຈະບໍ່ສາມາດຈັດການລົງຄະແນນສຽງບໍ່ໄວ້ວາງໃຈຕໍ່ຜູ້ກ່ຽວພາຍໃນ 1 ປີ.
ທ່ານ ແກຣມ ເບຣດີ ປະທານ ຄະນະກຳມະການ 1922 ຂອງພັກອະນຸລັກນິຍົມໄດ້ຢືນຢັນພາຍຫຼັງເປີດເຜີຍຜົນການລົງຄະແນນສຽງວ່າ: ຜົນການລົງຄະແນນສຽງດັ່ງກ່າວສະແດງໃຫ້ເຫັນວ່າ ພັກອະນຸລັກນິຍົມໄວ້ເນື້ອເຊື່ອໃຈຕໍ່ນາຍົກລັດຖະມົນຕີ. ຄະນະກຳມະການ1922 ປະກອບດ້ວຍສະມາຊິກທຳມະດາຂອງສະພາຕ່ຳພັກອະນຸລັກນິຍົມ ເຊິ່ງມີບົດບາດສຳຄັນໃນການຕັດສິນຜູ້ທີ່ຈະຂຶ້ນດຳລົງຕຳແໜ່ງນາຍົກລັດຖະມົນຕີ.
ຄຳເຫັນ
0