ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມເວທີປຶກສາຫາລືການພັດທະນາແລະການຮ່ວມມືດ້ານການສຶກສາຊັ້ນສູງເອກະຊົນຈີນ-ອາຊຽນຄັ້ງທີ 2 ໄດ້ຈັດຂຶ້ນຢູ່ນະຄອນຊານຢ້າ ແຂວງໄຫຫຼຳ ສປ ຈີນໃນວັນທີ 12 ທັນວານີ້ໂດຍມີຜູ້ຕາງໜ້າຈາກມະຫາວິທະຍາໄລເອກະຊົນແລະສະຖາບັນຂອງຈີນ,ລາວ,ກຳປູເຈຍ, ອິນໂດເນເຊຍ,ມາເລເຊຍ, ມຽນມາ, ຟີລິບປິບ, ສິງກະໂປ, ໄທແລະຫວຽດນາມ 80 ກວ່າທ່ານໄດ້ຮ່ວມກັນປະກາດການສ້າງຕັ້ງສະຫະພັນມະຫາວິທະຍາໄລເອກະຊົນຈີນ-ອາຊຽນຂຶ້ນຢ່າງເປັນທາງການ ແລະລົງນາມໃນຖະແຫຼງການ ສະຫະພັນມະຫາວິທະຍາໄລເອກະຊົນຈີນ-ອາຊຽນ ເພື່ອຮ່ວມກັນສ້າງປະຊາຄົມການສຶກສາຈີນ-ອາຊຽນ.
ກອງປະຊຸມຄັ້ງນີ້ມີຈຸດປະສົງເພື່ອສ້າງຕັ້ງ ສະຫະພັນມະຫາວິທະຍາໄລເອກະຊົນຈີນ-ອາຊຽນ ໃຫ້ກາຍເປັນກົນໄກຮ່ວມມືທີ່ມີປະສິດທິຜົນຍາວນານ; ເປີດກວ້າງເວທີການແລກປ່ຽນແລະຮ່ວມມືລະຫວ່າງບັນດາມະຫາວິທະຍາໄລເອກະຊົນຂອງຈີນແລະອາຊຽນ; ຮ່ວມກັນຖອດຖອນບົດຮຽນທີ່ດີຈາກພຶດຕິກຳຫຼ້າສຸດທີ່ເປັນໂຕແບບໃນການພັດທະນາແບບປະດິດສ້າງໃໝ່ໂດຍກວມເອົາການຜະລິດ,ການສຶກສາ,ການຄົ້ນຄວ້າແລະການປະຍຸກຂອງມະຫາວິທະຍາໄລເອກະຊົນຈີນແລະບັນດາປະເທດອາຊຽນ; ຄົ້ນຄວ້າເອກະລັກພິເສດແລະຈຸດເດັ່ນໃນການຮ່ວມມື, ວາງວິໄສທັດປະດິດສ້າງ, ຈັດຕັ້ງປະຕິບັດການເຄື່ອນໄຫວປະດິດສ້າງໃໝ່.
ສຳນັກງານຖາວອນກອງເລຂາຂອງສະຫະພັນດັ່ງກ່າວຕັ້ງຢູ່ມະຫາວິທະຍາໄລຊ່ານຢ້າແຂວງໄຫຫຼຳ ສປ ຈີນ.
ຄຳເຫັນ
0