ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານອຸ່ນທວງ ຂາວພັນ ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ ແຫ່ງ ສປປ ລາວໃຫ້ສຳພາດຕໍ່ນັກຂ່າວCRI
ກອງປະຊຸມລັດຖະມົນຕີການຕ່າງປະເທດຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 4 ຈະຈັດຂຶ້ນຢູ່ຫຼວງພະບາງແຕ່ວັນທີ 16-17 ທັນວານີ້. ໂອກາດໃຫ້ສຳພາດຕໍ່ນັກຂ່າວວິທະຍຸສາກົນແຫ່ງປະເທດຈີນຫຼື CRI, ເຈົ້າໜ້າທີ່ປະເທດລຸ່ມແມ່ນ້ຳຂອງທີ່ກຳລັງເຂົ້າຮ່ວມບຸນມະໂຫລານສິລະປະວັດທະນະທຳປະເທດລຸ່ມແມ່ນ້ຳລ້ານຊ້າງ-ແມ່ນ້ຳຂອງ 2018 ທີ່ຈັດຂຶ້ນຢູ່ສິບສອງພັ່ນນາແຂວງຢູນນານ ສປ ຈີນໄດ້ຕີລາຄາສູງຕໍ່ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ແລະຫວັງຢ່າງຍິ່ງວ່າ ກອງປະຊຸມຄັ້ງນີ້ຈະປະສົບຜົນສຳເລັດຢ່າງເຕັມເມັດເຕັມໜ່ວຍ.
ທ່ານອຸ່ນທວງ ຂາວພັນ ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ ແຫ່ງ ສປປ ລາວກ່າວວ່າ: ພາຍໃຕ້ການຊຸກຍູ້ຂອງກົນໄກຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ການແລກປ່ຽນດ້ານວັດທະນະທຳແລະທ່ອງທ່ຽວລະຫວ່າງລາວ-ຈີນໄດ້ຮັບຜົນງານອັນພົ້ນເດັ່ນໂດຍສະເພາະຈຳນວນນັກທ່ອງທ່ຽວຈີນທີ່ເດີນທາງໄປທ່ຽວລາວໄດ້ເພີ່ມຂຶ້ນທຸກປີ. ເມື່ອທຽບໃສ່ໄລຍະດຽວກັນຂອງປີ 2017ຜ່ານມາ, ນັບແຕ່ເດືອນມັງກອນຫາເດືອນກັນຍາ 2018 ນີ້, ຈຳນວນນັກທ່ອງທ່ຽວຈີນທີ່ເດີນທາງໄປທ່ຽວລາວໄດ້ເພີ່ມຂຶ້ນ 6 ແສນຄົນ. ທ່ານກ່າວວ່າ: ປີ 2019 ເປັນປີທ່ອງທ່ຽວລາວ-ຈີນ, ລັດຖະບານລາວຈະຕັ້ງໜ້າຊຸກຍູ້ການຈັດກິດຈະກຳຕ່າງໆ,ອອກແຮງພັດທະນາອຸດສາຫະກຳທ່ອງທ່ຽວວັດທະນະທຳ, ພະຍາຍາມສູ້ຊົນດຶງດູດນັກທ່ອງທ່ຽວຈີນມາທ່ຽວລາວໃຫ້ຫຼາຍກວ່າເກົ່າ.
ຄຳເຫັນ
0