ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫ້ອງການຖະແຫຼງຂ່າວອົງການປົກຄອງນະຄອນຫຼວງປັກກິ່ງໄດ້ຈັດກອງປະຊຸມຖະແຫຼງຂ່າວໃນວັນທີ 13 ທັນວານີ້ໂດຍເປີດເຜີຍວ່າ: ນະຄອນຫຼວງປັກກິ່ງຈະຮຽບຮຽງປຶ້ມ “ເຫດການໃຫຍ່40ປີແຫ່ງການປະຕິຮູບແລະເປີດປະຕູສູ່ພາຍນອກນະຄອນຫຼວງປັກກິ່ງ”ໃຫ້ສຳເລັດໃນໄວໆນີ້. ປຶ້ມດັ່ງກ່າວໄດ້ບັນທຶກເຫດການສຳຄັນ ໃນຂະບວນວິວັດແຫ່ງການພັດທະນາໃນໄລຍະ 40 ປີຂອງປັກກິ່ງ, ທົບທວນຄືນເຫດການສຳຄັນທີ່ເປັນຂີດໝາຍປະຫວັດສາດຂອງນະຄອນຫຼວງປັກກິ່ງນັບແຕ່ດຳເນີນການປະຕິຮູບແລະເປີດປະຕູສູ່ພາຍນອກ 40 ປີ ໂດຍສະເພາະນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນມານີ້ ເຊິ່ງເປັນຜົນງານສຳຄັນອີກອັນໜຶ່ງໃນການຮຽບຮຽງປຶ້ມບັນທຶກເຫດການປັກກິ່ງ.
ຂ່າວແຈ້ງວ່າ: ປັດຈຸບັນ, ນະຄອນຫຼວງປັກກິ່ງໄດ້ສຳເລັດໜ້າທີ່ວຽກງານຮຽບຮຽງປຶ້ມຮອບທຳອິດທີ່ປະກອບດ້ວຍປຶ້ມບັນທຶກເຫດການປັກກິ່ງ 154 ພາກ, ປຶ້ມບັນທຶກເຫດການເມືອງຕ່າງໆຂອງປັກກິ່ງ 18 ພາກ, ໄດ້ພິມຈຳໜ່າຍແລ້ວ 29 ຫົວເຊັ່ນ ປຶ້ມບັນທຶກເຫດການປະຈຳປີປັກກິ່ງ, ປຶ້ມທາງຮ່ອມຫູຖົງປັກກິ່ງ, ປຶ້ມບັນທຶກເດີ່ນບ້ານທີ່ມີເຮືອນຢູ່ 4 ດ້ານປັກກິ່ງແລະອື່ນໆ. ຕາມແຜນການຮຽບຮຽງປຶ້ມຮອບທີສອງ, ຈະຮຽບຮຽງປຶ້ມບັນທຶກເຫດການປັກກິ່ງ 70 ພາກ, ປຶ້ມບັນທຶກເຫດການເມືອງຕ່າງໆຂອງປັກກິ່ງ 18 ພາກ, ຄາດວ່າຈະພິມຈຳໜ່າຍໃນປີ 2020.
ຄຳເຫັນ
0