黎明

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
亚洲文明大会专题_fororder_760x250

ການ​ພັດທະນາ​ສາຍ​ພົວພັນ​ລະຫວ່າງ​ຫວຽດນາມ-ຈີນ​ໃຫ້​ເຂົ້າສູ່​ລວງ​ເລິກ​ເປັນ​ທາງ​ເລືອກ​ຍຸດ​ທະ​ສາດ​ຂອງ​ສອງ​ປະ​ເທດ

2019-01-08 16:19:06 CRI

ທ່ານ​ດັງ​ມິ​ງຄອຍ ​ເອກ​ອັກຄະ​ລັດຖະທູດ​ຫວຽດນາມ​ປະຈຳ​ຈີນ ​ກ່າວ​ໃນ​ວັນ​ທີ 7 ມັງກອນ​ນີ້​ຢູ່​ນະຄອນຫຼວງປັກ​ກິ່ງ​ວ່າ ການ​ພັດທະນາ​ສາຍ​ພົວພັນ​ລະຫວ່າງ​ຫວຽດນາມ-ຈີນ​ໃຫ້​ເຂົ້າສູ່​ລວງ​ເລິກ​ເປັນ​ທາງ​ເລືອກ​ທາງ​ຍຸດ​ທະ​ສາດ​ຂອງ​ສອງ​ປະ​ເທດ ​ແລະ ກໍ​ສອດຄ່ອງ​ກັບ​ຜົນ​ປະ​ໂຫຍ​ດພື້ນຖານ​ຂອງສອງ​ປະ​ເທດ​ແລະ​ປະຊາຊົນ​ສອງ​ຊາດ​ເຊັ່ນ​ດຽວ​ກັນ.

ທ່ານ​ດັງ​ມິ​ງຄອຍ ກ່າວ​ວ່າ: ປີ 2018 ທີ່​ຫາ​ກໍ​ຜ່ານ​ພົ້ນ​ໄປ​ນັ້ນ​ແມ່ນ​ປີ​ໜຶ່ງ​ທີ່​ສາຍ​ພົວພັນ​ລະຫວ່າງ​ຫວຽດນາມ-ຈີນ​ໄດ້ມີ​ການ​ພັດທະນາ​​ທີ່​ສຳຄັນ ​ໂດຍ​ການ​ນຳ​ຂັ້ນສູງ​ຂອງ​ສອງ​ປະ​ເທດ​​ແລກປ່ຽນ​ການຢ້ຽມຢາມ​ກັນຫຼາຍ​ເທື່ອ ຄື: ກຳມະການ​ກົມ​ການ​ເມືອງ​ສູນ​ກາງ​ພັກ​ຫວຽດນາມ 7 ທ່ານ ​ແລະ ເລຂາທິການ​ສູນ​ກາງ​ພັກ 4 ທ່ານ ​ໄດ້​ຢ້ຽມຢາມ​ຈີນ​ຢ່າງ​ເປັນ​ທາງ​ການ; ມູນ​ຄ່າ​ການ​ຄ້າ​ສອງ​ຝ່າຍ​ອາດ​ຈະ​ບັນລຸຫຼາຍກວ່າ 150 ຕື້​ໂດ​ລາ​ສະຫະລັດ​ເປັນຄັ້ງທຳ​ອິດ, ຫວຽດນາມ​ກາຍ​ເປັນ​ຄູ່​ຄ້າ​ໃຫຍ່​ອັນ​ດັບ​ໜຶ່ງ​ຂອງ​ຈີນ​ໃນ​ບັນດາ​ປະ​ເທດ​ອາ​ຊຽນ​ເປັນ​ເວລາ 3 ປີ​ລຽນຕິດ; ການ​ໄປມາຫາສູ່​ກັນ​ລະຫວ່າງປະຊາຊົນສອງ​ຊາດ​ບັນລຸ 12 ລ້ານ​ເທື່ອ​ຄົນ ​ເຊິ່ງ​ແມ່ນ​ປີ​​ທີ່​ປະຊາຊົນ​ສອງ​ຊາດ​ໄປມາຫາສູ່​ກັນຫຼາຍກວ່າ​ທຸກ​ປີຜ່ານມາ.

ທ່ານ​ດັງ​ມິ​ງຄອຍ ກ່າວ​ຕື່ມ​ວ່າ: ປັດຈຸບັນ, ສະຖານະ​ການ​ສາກົນ​ແລະ​ພາກ​ພື້ນ​ມີ​ການ​ປ່ຽນ​ແປງ​ຢ່າງ​ສັບສົນ​ທີ່​ສຸດ, ​ເສດຖະກິດ​ໂລກ​ຍັງ​ຜະ​ເຊີນ​ກັບ​ສິ່ງ​ທ້າ​ທາຍ​ຕ່າງໆ, ກະ​ແສ​ແນວ​ຄິດລັດທິ​ປົກ​ປ້ອງ​ການ​ຄ້າປາກົດຂຶ້ນອີກ ຈຶ່ງ​ຫວັງ​ວ່າ​ສອງ​ປະ​ເທດ​ຈະ​ສືບ​ຕໍ່​ພັດທະນາ​ສາຍ​ພົວພັນ​ຄູ່​ຮ່ວມ​ມືຍຸດ​ທະ​ສາດ​ຮອບດ້ານ, ຊຸກຍູ້​ການ​ຮ່ວມ​ມື​ທີ່​ແທ້ຈິງ ​ແລະ ​ເຊື່ອ​ວ່າການ​ຮ່ວມ​ມື​ລະຫວ່າງ​ສອງ​ພັກ-ສອງ​ລັດ​ໃນ​ປີ 2019 ຈະ​ໄດ້​ຮັບ​ໝາກຜົນຍິ່ງ​ໃຫຍ່​ກວ່າ​ເກົ່າ.

ຄຳ​ເຫັນ

0