ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ມັງກອນນີ້, ກະຊວງການຕ່າງປະເທດປາແລັດສະຕິນໄດ້ຮຽກຮ້ອງສະພາຄວາມໝັ້ນຄົງອົງການສະຫະປະຊາຊາດສະກັດກັ້ນບໍ່ໃຫ້ອິດສະຣາແອນສ້າງຈຸດຕັ້ງຖິ່ນຖານຊາວຢິວຢູ່ຝັ່ງຕາເວັນຕົກຂອງແມ່ນ້ຳຈໍແດນ ເຊິ່ງເປັນການຍຶດຄອງດິນແດນປາແລັດສະຕິນ.
ກະຊວງການຕ່າງປະເທດປາແລັດສະຕິນໄດ້ອອກຖະແຫຼງການ: ກ່າວປະນາມລັດຖະບານອິດສະຣາແອນເຂົ້າຄອບຄອງທີ່ດິນບໍລິເວນກວ້າງຂວາງຊາວປາແລັດສະຕິນເພື່ອສ້າງຈຸດຕັ້ງຖິ່ນຖານຊາວຢິວຢູ່ພາກໃຕ້ເມືອງເບດລີເຮັມ ເຊິ່ງຕັ້ງຢູ່ຝັ່ງຕາເວັນຕົກຂອງແມ່ນຳຈໍແດນ, ລວມທັງແຜນການສ້າງເຮືອນຢູ່ຈຸດຕັ້ງຖິ່ນຖານຫຼາຍພັນຊຸດ ເຊິ່ງຈະເຮັດໃຫ້ເມືອງເບດລີເຮັມຂອງປາແລັດສະຕິນຖືກປິດລ້ອມຈາກກຳແພງກັ້ນຊາຍແດນ.
“ໜັງສືພິມກາຣີສ” ອິດສະຣາແອນໄດ້ລາຍງານໃນວັນທີ 8 ມັງກອນນີ້ວ່າ: ລັດຖະບານອິດສະຣາແອນແຜນການນຳໃຊ້ທີ່ດິນປະມານ 120 ເຮັກຕາກໍ່ສ້າງເຂດຊຸມຊົນຊາວຢິວແຫ່ງໃໝ່ ເຊິ່ງຈະເປັນການຂະຫຍາຍຈຸດຕັ້ງຖິ່ນຖານຊາວຢິວຢູ່ເມືອງເອບເຟຣດເລື່ອມລ້ຳເຂົ້າເຂດແດນເມືອງເບດລີເຮັມ.
ຄຳເຫັນ
0