ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 7 ມັງກອນນີ້ ຢູ່ນະຄອນນິວຢອກ, ຜູ້ນຳວົງການການຄ້າແລະບຸກຄົນສຳຄັນດ້ານການເມືອງຫຼາຍທ່ານຂອງອາເມຣິກາກ່າວວ່າ: ເນື່ອງໃນໂອກາດການສ້າງຕັ້ງສາຍພົວພັນການທູດອາເມຣິກາ-ຈີນຄົບຮອບ 40 ປີ, ສອງປະເທດຍັງຄົງ “ຕ້ອງການເຊິ່ງກັນແລະກັນ”, ສອງຝ່າຍຄວນສືບຕໍ່ພະຍາຍາມຮ່ວມກັນຊຸກຍູ້ສັນຕິພາບແລະຄວາມໝັ້ນຄົງຂອງໂລກ.
ໃນງານລ້ຽງອາຫານຄ່ຳປະຈຳປີ 2019 ຂອງສະພາການຄ້າຈີນອາເມຣິກາ, ທ່ານ ມາວຣິສ ກຣິນເບີກ ອະດີດປະທານຄະນະຜູ້ອຳນວຍການ ທັງເປັນ CEO ຂອງກຸ່ມສາກົນອາເມຣິກາ ເຊິ່ງເປັນບໍລິສັດໃຫຍ່ດ້ານຂະແໜງການປະກັນໄພຂອງໂລກ ກ່າວວ່າ: ເຖິງວ່າການພົວພັນສອງປະເທດດີຂຶ້ນຫຼືຊຸດໂຊມລົງກໍຕາມ, ແຕ່ “ທ່ວງທ່າດີຂຶ້ນຍ່ອມຈະເອົາຊະນະຄວາມຫຍຸ້ງຍາກໃນທີ່ສຸດ, ແລະທ່ວງທ່າຊຸດໂຊມລົງຈະຖືກສະກັດກັ້ນ”.
ທ່ານ ຈີມມີ ຄາເຕີ ອະດີດປະທານາທິບໍດີອາເມຣິກາ ໄດ້ສົ່ງສານຊົມເຊີຍເຖິງກິດຈະກຳດັ່ງກ່າວ ໂດຍລະບຸວ່າ: ໃນເວລາຕົນເຈລະຈາການສ້າງສາຍພົວພັນການທູດລະຫວ່າງສອງປະເທດກັບທ່ານ ເຕີ້ງສຽວພິງ ຜູ້ນຳຈີນໃນຄາວນັ້ນ, “ພວກເຮົາຕ້ອງຜ່ານຜ່າອຸປະສັກຫຼາຍຢ່າງຈຶ່ງສາມາດບັນລຸສັນຍາໄດ້”. ທ່ານຍັງກ່າວວ່າ: ເວລານັ້ນ, ບໍ່ມີໃຜສາມາດຄາດຄະເນໄດ້ວ່ານີ້ຈະມີການປ່ຽນແປງສອງປະເທດອາເມຣິກາແລະຈີນກໍຄືທົ່ວໂລກຄືແນວໃດ.
ທ່ານ ຄາເຕີ ກ່າວຕື່ມວ່າ: ໃນເວລາທີ່ການພົວພັນສອງປະເທດຜະເຊີນໜ້າກັບ “ສິ່ງທ້າທາຍພິເສດທີ່ບໍ່ເຄີຍມີມາກ່ອນ”, ຍິ່ງຕ້ອງເພີ່ມທະວີການແລກປຽນດ້ານເສດຖະກິດ, ການສຶກສາແລະວັດທະນະທຳ ເພື່ອຊຸກຍູ້ການພົວພັນສອງຝ່າຍ.
ຄຳເຫັນ
0