ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ມັງກອນນີ້, ລັດຖະບານຟິລິບປິນໄດ້ຈຳໜ່າຍພັນທະບັດ 1,5 ຕື້ໂດລາສະຫະລັດຕໍ່ທົ່ວໂລກ ເຊິ່ງມີອາຍຸການ 10 ປີ ແລະມີອັດຕາດອກເບ້ຍຄືອັດຕາດອກເບ້ຍຂອງພັນທະບັດອາເມຣິກາ+110 ຈຸດ.
ທະນາຄານຈີນສາຂາມານີລາລາຍງານວ່າ, ນີ້ແມ່ນຄັ້ງທຳອິດທີ່ທະນາຄານຈີນຊ່ວຍຟິລິບປິນຈຳໜ່າຍພັນທະບັດສະກຸນເງິນໂດລາສະຫະລັດໃນຖານະເປັນຜູ້ປະສານງານຮ່ວມທົ່ວໂລກ, ທັງແມ່ນຄັ້ງທຳອິດທີ່ຟິລິບປິນເຊື້ອເຊີນທະນາຄານຂອງຈີນເຂົ້າຮ່ວມວຽກງານຈຳໜ່າຍພັນທະບັດສະກຸນເງິນໂດລາສະຫະລັດຂອງຕົນໃນຖານະເປັນຜູ້ປະສານງານທົ່ວໂລກ.
ພາຍໃຕ້ເງື່ອນໄຂທີ່ສະພາບເສດຖະກິດທົ່ວໂລກມີຈັງຫວະຂຶ້ນໆລົງໆຫຼາຍກວ່າເກົ່າແລະມີປັດໄຈບໍ່ແນ່ນອນເພີ່ມຂຶ້ນ, ເສດຖະກິດຟິລິບປິນຊ້ຳພັດມີທ່ວງທ່າພັດທະນາທີ່ດີ ເຊິ່ງໄດ້ຮັບຄວາມສົນໃຈຢ່າງກວ້າງຂວາງຈາກຜູ້ລົງທຶນ. ຂ່າວແຈ້ງວ່າ, ເດືອນມີນາປີຜ່ານມາ, ລັດຖະບານຟິລິບປິນໄດ້ຈຳໜ່າຍພັນທະບັດໝີແພນດາຈຳນວນ 1,46 ຕື້ຢວນຕໍ່ຈີນຢ່າງສຳເລັດຜົນ, ໂດຍກຳນົດລາຄາພັນທະບັດຕ່ຳສຸດໃນປະຫວັດສາດ ຈຶ່ງໄດ້ດຶງດູດຄວາມສົນໃຈຂອງຜູ້ລົງທຶນຈີນຕໍ່ພັນທະບັດຟິລິບປິນ.
ຄຳເຫັນ
0