ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານບິດເຮຍ ເດວີ ບັນດາຣີ ປະທານາທິບໍດີເນປານກ່າວໃນວັນທີ 7 ມັງກອນນີ້ວ່າ: ຈີນເປັນປະເທດບ້ານໃກ້ເຮືອນຄຽງທີ່ສະໜິດສະໜົມ ທັງເປັນຄູ່ຮ່ວມມືສຳຄັນຂອງເນປານ ເນປານຍິນດີ ເຂົ້າຮ່ວມການສ້າງ “ໜຶ່ງແລວໜຶ່ງເສັ້ນທາງ” ຢ່າງຕັ້ງໜ້າ ແລະ ຊຸກຍູ້ສາຍພົວພັນລະຫວ່າງເນປານ-ຈີນໃຫ້ໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ.
ທ່ານບັນດາຣີ ໄດ້ຕ້ອນຮັບການເຂົ້າຍື່ນສານຕາຕັ້ງຂອງທ່ານນາງໂຮ໋ວຢ້ຽນສີ ເອກອັກຄະລັດຖະທູດຈີນປະຈຳເນປານຄົນໃໝ່ ໃນວັນດັ່ງກ່າວຢູ່ທຳນຽບປະທານາທິບໍດີທີ່ນະຄອນຫຼວງກັດມັນດູ, ທ່ານກ່າວວ່າ: ເນປານຍຶດໝັ້ນນະໂຍບາຍປະເທດຈີນດຽວຢ່າງສະເໝີຕົ້ນສະເໝີປາຍ; ຂອບໃຈນຳຝ່າຍຈີນທີ່ໃຫ້ການສະໜັບສະໜູນແກ່ເນປານໃນການປົກປັກຮັກສາຄວາມເປັນເອກະລາດອະທິປະໄຕແລະຜືນແຜ່ນດິນອັນຄົບຖ້ວນ ແລະ ໃຫ້ການສະໜັບສະໜູນຕໍ່ການພັດທະນາເສດຖະກິດສັງຄົມຂອງເນປານໂດຍບໍ່ເຫັນແກ່ຜົນປະໂຫຍດສ່ວນຕົວ.
ທ່ານນາງໂຮ໋ວຢ້ຽນສີ ກ່າວວ່າ: ລັດຖະບານຈີນໃຫ້ຄວາມສຳຄັນຢ່າງສູງຕໍ່ການພັດທະນາສາຍພົວພັນລະຫວ່າງສອງປະເທດ, ຈີນຍິນດີສ້າງຄູ່ຮ່ວມຊາຕາກຳຈີນ-ເນປານ ເພື່ອສ້າງສະພາບການໃໝ່ແຫ່ງສາຍພົວພັນລະຫວ່າງສອງຝ່າຍ.
ຄຳເຫັນ
0