ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 10 ມັງກອນນີ້, ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ: ຈີນຍິນດີຮັກສາການໄປມາຫາສູ່ກັນລະຫວ່າງການນຳຂັ້ນສູງກັບຝ່າຍສປປເກົາຫຼີ,ເພີ່ມທະວີການຕິດຕໍ່ພົວພັນທາງຍຸດທະສາດ,ຊຸກຍູ້ການພົວພັນລະຫວ່າງສອງປະເທດໃຫ້ໄດ້ຮັບການພັດທະນາອັນໃໝ່ຢ່າງບໍ່ຢຸດຢັ້ງໃນຍຸກໃໝ່,ຊຸກຍູ້ຂະບວນການແກ້ໄຂບັນຫາແຫຼມເກົາຫຼີທາງການເມືອງຢ່າງຕໍ່ເນື່ອງ,ເພື່ອປະກອບສ່ວນຢ່າງຕັ້ງໜ້າເຂົ້າໃນສັນຕິພາບ,ສະຖຽນລະພາບແລະການພັດທະນາຂອງພາກພື້ນແລະຂອງໂລກ.
ເມື່ອບໍ່ດົນມານີ້, ທ່ານ ກີມເຈີງອຸນ ປະທານຄະນະກຳມະການສູນກາງພັກແຮງງານ ສປປ ເກົາຫຼີ ແລະ ປະທານຄະນະກຳມະການແຫ່ງລັດ ສປປ ເກົາຫຼີ ໄດ້ສິ້ນສຸດການຢ້ຽມຢາມຈີນ. ກ່ຽວກັບເລື່ອງນີ້, ທ່ານ ລູ້ຄ່າງ ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 10 ມັງກອນນີ້ວ່າ:
“ຈີນໄດ້ຕີລາຄາຢ່າງສູງຕໍ່ປະທານຄະນະກຳມະການແຫ່ງລັດກີມເຈີງອຸນທີ່ເດີນທາງມາຢ້ຽມຢາມຈີນໃນໂອກາດຈີນແລະສປປເກົາຫຼີສ້າງຕັ້ງສາຍພົວພັນທາງການທູດຄົບຮອບ 70 ປີ ແລະ ການເລີ່ມຕົ້ນປີໃໝ່. ທ່ານ ສີຈິ້ງຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ພົບປະເຈລະຈາກັບທ່ານປະທານຄະນະກຳມະການແຫ່ງລັດກີມເຈີງອຸນ. ຜູ້ນຳສອງປະເທດໄດ້ແລກປ່ຽນຄວາມຄິດຄວາມເຫັນຢ່າງເລິກເຊິ່ງກ່ຽວກັບການພົວພັນລະຫວ່າງຈີນ-ສປປເກົາຫຼີແລະບັນຫາທີ່ສອງຝ່າຍສົນໃຈຮ່ວມກັນ,ໄດ້ບັນລຸຄວາມຮັບຮູ້ຢ່າງເປັນເອກະພາບທີ່ສຳຄັນ.”
ທ່ານ ລູ້ຄ່າງ ກ່າວອີກວ່າ: ພັກແລະລັດຖະບານຈີນໄດ້ໃຫ້ຄວາມສຳຄັນຢ່າງສູງຕໍ່ການພົວພັນຮ່ວມມືບົນຈິດໃຈມິດຕະພາບລະຫວ່າງຈີນ-ສປປເກົາຫຼີ,ການປົກປັກຮັກສາ,ພັດທະນາແລະປັບປຸງການພົວພັນລະຫວ່າງສອງປະເທດໃຫ້ດີແມ່ນທິດທາງທີ່ເດັດດ່ຽວໜຽວແໜ້ນແລະສະເໝີຕົ້ນສະເໝີປາຍຂອງພັກແລະລັດຖະບານຈີນ.
ຄຳເຫັນ
0