ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທະນາຄານໂລກໄດ້ປະກາດຂັ້ນຕອນການຄັດເລືອກຜູ້ອຳນວຍການໃຫຍ່ຄົນໃໝ່ໃນວັນທີ 10 ມັງກອນນີ້ ໂດຍມີແຜນຈະຄັດເລືອກຜູ້ອຳນວຍການໃຫຍ່ຄົນໃໝ່ກ່ອນຈະຈັດກອງປະຊຸມລະດູໃບໄມ້ປົ່ງໃນເດືອນເມສາປີນີ້ ເພື່ອເຂົ້າແທນທ່ານກິມຢົງ ທີ່ຈະລາອອກຈາກຕຳແໜ່ງໃນວັນທີ 1 ກຸມພາໜ້ານີ້.
ທະນາຄານໂລກໄດ້ອອກຖະແຫຼງການໃນວັນດັ່ງກ່າວວ່າ: ຄະນະອຳນວຍການບໍລິຫານງານທະນາຄານໂລກໄດ້ໄຂກອງປະຊຸມໃນວັນທີ 9 ມັງກອນນີ້ ເພື່ອປຶກສາຫາລືຂັ້ນຕອນການຄັດເລືອກຜູ້ອຳນວຍການໃຫຍ່ຄົນໃໝ່ ແລະ ໄດ້ເນັ້ນໜັກເຖິງການເຄົາລົບຫຼັກການທີ່ເປີດເຜີຍ, ເລືອກຜູ້ດີເດັ່ນມີຄວາມສາມາດ ແລະ ເປີດກວ້າງໃນການຄັດເລືອກຜູ້ອຳນວຍການໃຫຍ່ຄົນໃໝ່.
ຖະແຫຼງການລະບຸວ່າ: ຜູ້ລົງສະໝັກຮັບເລືອກຕັ້ງຜູ້ອຳນວຍການໃຫຍ່ຄົນໃໝ່ຕ້ອງມາຈາກປະເທດສະມາຊິກທະນາຄານໂລກ ທັງຕ້ອງມີຄຸນທາດດັ່ງນີ້: ມີປະຫວັດຄວາມສາມາດນຳພາທີ່ດີ, ມີປະສົບການໃນການຄຸ້ມຄອງອົງການຈັດຕັ້ງສາກົນຂະໜາດໃຫຍ່, ຄຸ້ນເຄີຍກັບພາກສ່ວນສາທາລະນະ, ມີຄວາມສາມາດໃນການຊີ້ແຈງວິໄສທັດໃນພາລະໜ້າທີ່ການພັດທະນາທະນາຄານໂລກຢ່າງຈະແຈ້ງ, ມີຄວາມເດັດດ່ຽວຕໍ່ຄຳໝັ້ນສັນຍາ ແລະ ສະໜັບສະໜູນການຮ່ວມມືຫຼາຍຝ່າຍ, ມີທັກສະໃນການແລກປ່ຽນທາງການທູດ ແລະ ສາມາດປະຕິບັດໜ້າທີ່ຕຳແໜ່ງຢ່າງຍຸຕິທຳແລະພາວະວິໄສ ເປັນຕົ້ນ.
ຄຳເຫັນ
0