ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ມັງກອນນີ້, ງານລ້ຽງລະນຶກຈີນ-ອາເມຣິກາສ້າງຕັ້ງສາຍພົວພັນທາງການທູດຄົບຮອບ 40 ປີໄດ້ຈັດຂຶ້ນຢູ່ຫໍສະພາປະຊາຊົນແຫ່ງຊາດຈີນທີ່ນະຄອນຫຼວງປັກກິ່ງ ສປ ຈີນ, ທ່ານຫວາງສີຊ່ານ ຮອງປະທານປະເທດຈີນໄດ້ເຂົ້າຮ່ວມແລະກ່າວປາໄສ.
ທ່ານຫວາງຊີຊ່ານ ກ່າວວ່າ, ເມື່ອຫວນຄືນ 40 ປີຜ່ານມາ, ການພົວພັນຈີນແລະອາເມຣິກາໄດ້ຜ່ານຜ່າຄວາມຫຍຸ້ງຍາກແລະກ້າວໄປຂ້າງໜ້າ, ທັງໄດ້ຮັບຜົນງານອັນໃຫຍ່ຫຼວງທີ່ຄົນທັງຫຼາຍນຶກບໍ່ເຖິງ, ບໍ່ພຽງແຕ່ສ້າງຜົນປະໂຫຍດຢ່າງຫຼວງຫຼາຍໃຫ້ແກ່ປະຊາຊົນສອງປະເທດ, ຍັງໄດ້ຊຸກຍູ້ສັນຕິພາບ, ສະຖຽນລະພາບແລະຄວາມຈະເລີນຮຸ່ງເຮືອງຂອງໂລກຢ່າງແຂງແຮງ.
ທ່ານຫວາງສີຊ່ານເນັ້ນໜັກວ່າ, ໃນເມື່ອບໍ່ດົນມານີ້, ທ່ານສີຈິ້ນຜິງ ປະທານປະເທດຈີນແລະທ່ານໂດໂນ ທຣຳ ປະທານາທິບໍດີອາເມຣິກາໄດ້ພົບປະສົນທະນາກັນ, ໂທລະສັບຢ່າງສຳເລັດຜົນແລະສົ່ງສານອວຍພອນເຊິ່ງກັນແລະກັນເນື່ອງໃນໂອກາດທີ່ຈີນແລະອາເມຣິກາສ້າງຕັ້ງສາຍພົວພັນທາງການທູດຄົບຮອບ 40 ປີ, ສອງຝ່າຍຕັ້ງໜ້າຕີລາຄາການຂະຫຍາຍຕົວ ຂອງການພົວພັນຈີນແລະອາເມຣິກາທີ່ມີລັກສະນະປະຫວັດສາດໃນ 40 ປີຜ່ານມາ, ທັງໄດ້ຊີ້ທິດເຍື້ອງທາງການເສີມຂະຫຍາຍສາຍພົວພັນລະຫວ່າງສອງຝ່າຍຕື່ມອີກ. ສອງຝ່າຍຄວນຈື່ຈຳຈຸດປະສົງແຕ່ຫົວທີໃນການສ້າງຕັ້ງສາຍພົວພັນທາງການທູດຈີນແລະອາເມຣິກາ, ຍຶດທິດໝັ້ນທາງພື້ນຖານການປະສານງານກັນ, ຮ່ວມມືກັນແລະມີຄວາມໝັ້ນທ່ຽງ, ເຄົາລົບເຊິ່ງກັນແລະກັນ, ສະແຫວງສິ່ງທີ່ຄືກັນແລະສະຫງວນສິ່ງທີ່ຕ່າງກັນ, ຍຶດໝັ້ນຖະແຫຼງການຮ່ວມຈີນ-ອາເມຣິກາສາມສະບັບແລະຄວາມເຫັນເປັນເອກະພາບກັນຂອງຜູ້ນຳສອງປະເທດ, ເຄົາລົບສິດອະທິປະໄຕ, ຄວາມໝັ້ນຄົງແລະຜົນປະໂຫຍດໃນການພັດທະນາຂອງ, ລົງເລິກແລະຊຸກຍູ້ການຮ່ວມມືຢ່າງແທ້ຈິງ, ປັບປຸງພື້ນຖານການສະໜັບສະໜູນຂອງປະຊາຊົນແລະສັງຄົມໃຫ້ໝັ້ນແກ່ນກວ່າເກົ່າຕື່ມອີກເພື່ອເສີມຂະຫຍາຍສາຍພົວພັນຈີນແລະອາເມຣິກາ.
ຄຳເຫັນ
0