ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ສັນຍາການພົວພັວຄູ່ຮ່ວມຂ້າມປາຊີຟິກທີ່ຮອບດ້ານແລະກ້າວໜ້າ ຫຼື CPTPP ໄດ້ມີຜົນບັງຄັບໃຊ້ຢ່າງເປັນທາງການ. ທ່ານ ກ່າວເຟີ່ງ ໂຄສົກກະຊວງການຄ້າຈີນກ່າວໃນວັນທີ 10 ມັງກອນນີ້ວ່າ: ທ່ວງທ່າໃຫຍ່ແຫ່ງເສດຖະກິດໂລກາພິວັດບໍ່ໄດ້ປ່ຽນແປງ, ຈີນຈະປົກປັກຮັກສາໂຄງປະກອບການຄ້າຫຼາຍຝ່າຍຢ່າງເດັດດ່ຽວ, ຂະນະດຽວກັນ, ຈີນມີຈຸດຢືນໃຫ້ສ້າງສັນຍາການຄ້າເສລີຂອງພາກພື້ນທີ່ສອດຄ່ອງກັບຫຼັກການຂອງ WTO.
ສັນຍາ CPTPP ທີ່ມີ 11 ປະເທດລົງນາມນັ້ນ ໄດ້ມີຜົນບັງຄັບໃຊ້ຢ່າງເປັນທາງການໃນວັນທີ 30 ທັນວາປີຜ່ານມາ. ຫຼັງຈາກອາເມຣິກາໄດ້ຖອນອອກຈາກສັນຍາການພົວພັນຄູ່ຮ່ວມຂ້າມປາຊີຟິກ ຫຼື TPP ແລ້ວ, ປະເທດອື່ນໆທີ່ເຂົ້າຮ່ວມການເຈລະຈາ TPP ໄດ້ປັບປຸງສັນຍາເກົ່າ ແລ້ວສ້າງເປັນສັນຍາ CPTPP ສະບັບໃໝ່ ເຊິ່ງປົກຄຸມປະຊາກອນ 498 ລ້ານຄົນ, ລວມຍອດຜະລິດຕະພັນພາຍໃນຂອງປະເທດທີ່ລົງນາມຖ້າບວກເຂົ້າກັນແລ້ວ ກວມລວມຍອດປະລິມານເສດຖະກິດທົ່ວໂລກເຖິງ 13%.
ທ່ານ ກ່າວເຟີ່ງ ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດັ່ງກ່າວວ່າ: ຕໍ່ການສ້າງສັນຍາການຄ້າເສລີຂອງພາກພື້ນ, ຈີນມີຫຼັກໝັ້ນຢ່າງສະເໝີຕົ້ນສະເໝີປາຍຄື: ພວກເຮົາຈະປົກປັກຮັກສາໂຄງປະກອບການຄ້າຫຼາຍຝ່າຍຢ່າງເດັດດ່ຽວ, ຂະນະດຽວກັນ ກໍມີຈຸດຢືນໃຫ້ສ້າງສັນຍາການຄ້າເສລີຂອງພາກພື້ນທີ່ສອດຄ່ອງກັບຫຼັກການຂອງ WTO, ເປີດປະຕູ, ມີຄວາມໂປ່ງໃສ ແລະຕ່າງຝ່າຍຕ່າງໄດ້ຮັບຜົນປະໂຫຍດ, ເຊິ່ງທັງສອງສິ່ງນີ້ຈະສາມາດຊ່ວຍຊູຍູ້ໜູນກັນໄດ້.
ຄຳເຫັນ
0