黎明

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2019年两会专题

ຈີນ​ເລັ່ງລັດ​ຊຸກຍູ້​ການ​ສ້າງສາ​ປະ​ເທດ​​ໃຫ້​ເຂັ້ມ​ແຂງດ້ານ​ອຸດສາຫະກຳການ​ຜະລິດ​ແລະດ້ານ​ອິນ​ເຕີ​ເນັດ

2019-01-11 16:39:18 CRI

ທ່ານໝຽວ​ເຫວີຍ ລັດຖະມົນຕີ​ກະຊວງ​ອຸດສາຫ​ະກຳ​ແລະ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານຈີນ ​ໄດ້​ໃຫ້​ສຳພາດ​ຕໍ່​ນັກ​ຂ່າວ​ກ່ຽວ​ກັບ​ການ​ຜັນຂະຫຍາຍ​ແລະ​ຈັດຕັ້ງປະຕິບັດ​ເນື້ອ​ໃນ​ຈິດ​ໃຈ​ຂອງ​ກອງ​ປະຊຸມ​ວຽກ​ງານ​ເສດຖະກິດ​ຂອງ​ລັດຖະບານ​ໃນ​ວັນ​ທີ 10 ມັງກອນ​ນີ້ ​ໂດຍ​ກ່າວ​ວ່າ: ຕ້ອງ​ເລັ່ງລັດ​ຊຸກຍູ້​ການ​ສ້າງສາ​ປະ​ເທດ​ໃຫ້​ເຂັ້ມ​ແຂງ​ໃນ​ຂົງ​ເຂດ​ອຸດສາຫະກຳ​ການ​ຜະລິດ​ ແລະ​ ຂົງ​ເຂດອິນ​ເຕີ​ເນັດ ທັງ​​ໃຫ້​ອຸດສາຫະກຳ​ການ​ສື່ສານ​ສາມາດຮັກສາການ​ພັດທະນາ​ຢ່າງ​ໜັກ​ແໜ້ນ​ແລະ​ປອດ​ໃສ.

ທ່ານໝຽວ​ເຫວີຍ ກ່າວ​ຕື່ມວ່າ: ໜ້າ​ທີ່​ວຽກ​ງານ​ສຳຄັນ​ອັນ​ດັບໜຶ່ງທີ່​ຕ້ອງ​ປະຕິບັດ​ໃຫ້​ດີ​ໃນ​ປີ​ນີ້​ກໍ​ຄື ຊຸກຍູ້​ອຸດສາຫະກຳ​ການ​ຜະລິດ​ໃຫ້​ພັດທະນາ​ຢ່າງ​ມີ​ຄຸນ​ນະພາ​ບສູງ.

ກະຊວງ​ອຸດສາຫ​ະກຳ​ແລະ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານຈີນ​ໄດ້​ອອກ​ໃບ​ອະນຸຍາດ​ການ​ນຳ​ໃຊ້​ຄື້ນຄວາມ​ຖີ່​ເພື່ອ​ທົດ​ລອງ​ເຕັກ​ໂນ​ໂລ​ຊີ​ການ​ສື່ສານ​ເຄື່ອນ​ທີ່​ຮຸ່ນ​ທີ 5 ຫຼື 5G ​ໃຫ້​ແກ່ບໍລິສັດ​ໄຊ​ນາ​ເທ​ລີ​ຄອມ, ບໍລິສັດ​ໄຊ​ນາ​ໂມ​ບາຍ ​ແລະ ບໍລິສັດ​ໄຊ​ນາ​ຢູນີຄອມ ​ໃນທ້າຍ​ປີຜ່ານມາ. ທ່ານໝຽວ​ເຫວີຍ ​ເປີດ​ເຜີ​ຍວ່າ: ກະຊວງ​ອຸດສາຫ​ະກຳ​ແລະ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານພວມ​ປະຕິບັດ​ຕາມ​​ແຜນ​ການຂອງກອງ​ປະຊຸມ​ວຽກ​ງານ​ເສດຖະກິດ​ຂອງ​ລັດຖະບານ ​ເລັ່ງລັດ​ຊຸກຍູ້​ການ​ນຳ​ໃຊ້​ເຕັກນິກ 5G ​ໃນ​ທາງ​ທຸລະ​ກິດ ​ໂດຍ​ໄດ້​ອອກ​ໃບ​ອະນຸຍາດຊົ່ວຄາວ​​ໃນ​ຫຼາຍຕົວ​ເມືອງ ​ເພື່ອ​ຕິດຕັ້ງ​ເຄືອ​ຂ່າຍ​ທີ່​ສາມາດ​ກວມ​ເອົາ​ບໍລິ​ເວນ​ກວ້າງຂວາງ​ໃນ​ບາງ​ຕົວ​ເມືອງສາກ່ອນ ​ແລະ ຄາດ​ວ່າ​​ໃນ 6 ​ເດືອນ​ທ້າຍ​ປີ​ນີ້, ມື​ຖື​ ​ແລະ ​ແທັບ​ເລັດ ທີ່​ນຳໃຊ້​ເຕັກ​ໂນ​ໂລ​ຊີ 5G ຈະ​ມີ​ຂາຍ​ໃນ​ຕະຫຼາດ.

ຄຳ​ເຫັນ

0