李敏

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2019年两会专题

ຄະນະກຳມະການກວດກາລະບຽບວິໄນສູນກາງພັກກອມມູນິດຈີນຈັດກອງປະຊຸມຄົບຄະນະປະຈຳປີ, ທ່ານສີຈີ້ນຜິງກ່າວເນັ້ນເຖິງການຊຸກຍູ້ການສ້າງສາພັກຢ່າງຮອບດ້ານ

2019-01-12 15:34:59 cri

ວັນທີ 11 ມັງກອນນີ້, ຄະນະກຳມະການກວດກາລະບຽບວິໄນສູນກາງພັກກອມມູນິດຈີນຈັດກອງປະຊຸມຄົບຄະນະປະຈຳປີ, ເພື່ອຈັດວາງວຽກງານຕ້ານການສໍ້ລາດບັງຫຼວງໃນປີໃໝ່. ໃນກອງປະຊຸມ, ທ່ານສີຈີ້ນຜິງ, ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການທະຫານສູນກາງຈີນໄດ້ກ່າວຄຳປາໄສທີ່ສຳຄັນ, ໂດຍກ່າວເນັ້ນວ່າ, ພັກກອມມູນິດຈີນຕ້ອງຖືການສ້າງສາການເມືອງຂອງພັກເປັນຫຼັກ, ຊຸກຍູ້ການສ້າງສາພັກຢ່າງຮອບດ້ານ, ເພື່ອຍາດເອົາໝາກຜົນດ້ານຍຸດທະສາດໃຫຍ່ກວ່າເກົ່າໃນການຄຸ້ມຄອງພັກຢ່າງເຂັ້ມງວດແລະຮອບດ້ານ, ປັບປຸງໃຫ້ການຕ້ານການສໍ້ລາດບັງຫຼວງໃຫ້ໄດ້ຮັບໄຊຊະນະຢ່າງເດັດຂາດ.

 

ທ່ານສີຈີ້ນຜິງກ່າວເນັ້ນວ່າ, ນັບແຕ່ຈັດກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນເປັນຕົ້ນມາ, ການຕ້ານການສໍ້ລາດບັງຫຼວງໄດ້ຮັບໄຊຊະນະຢ່າງເດັດຂາດ, ພັກກອມມູນິດຈີນອອກແຮງລົງໂທດບັນຫາສໍ້ລາດບັງຫຼວງທີ່ພົວພັນເຖິງປະຊາຊົນ, ໄດ້ປັບປຸງລະບົບຕິດຕາມກວດກາຂອງພັກແລະລັດໃຫ້ສົມບູນຂຶ້ນ, ໄດ້ຮັບໝາກຜົນສຳຄັນອັນໃໝ່, ໄດ້ອຳນວຍສິ່ງຮັບປະກັນທີ່ເຂັ້ມແຂງໃຫ້ແກ່ການພັດທະນາຂອງພາລະກິດພັກແລະລັດ.

 

ທ່ານສີຈີ້ນຜິງຊີ້ອອກວ່າ, ບົດຮຽນໃນການດຳເນີນການປະຕິຮູບແລະເປີດປະຕູສູ່ພາຍນອກເປັນເວລາ 40 ປີສະແດງໃຫ້ເຫັນວ່າ, ຕ້ອງເດັດດ່ຽວຮັກສາການນຳພາທີ່ເປັນເອກະພາບຂອງສູນກາງພັກ, ຕ້ອງຍຶດໝັ້ນການຄຸ້ມຄອງພັກໄປກ່ອນການຄຸ້ມຄອງປະເທດ, ການຄຸ້ມຄອງພັກຕ້ອງເຂັ້ມງວດ, ຕ້ອງຍຶດໝັ້ນການສ້າງພັກເພື່ອສ່ວນລວມ, ການປົກຄອງເພື່ອປະຊາຊົນ, ຕ້ອງຍຶດໝັ້ນແບບແຜນການປະຕິຮູບ ການປະດິດສ້າງໃໝ່ ແລະການບາກບັ່ນສູ້ຊົນ, ຕ້ອງເດັດດ່ຽວຕໍ່ຕ້ານກັບປະກົດການຍໍ້ທໍ້ແລະການສໍ້ລາດບັງຫຼວງ.

 

ທ່ານສີຈີ້ນຜິງກ່າວເນັ້ນວ່າ, ປີ 2019 ແມ່ນປີທີ່ສາທາລະນະລັດປະຊາຊົນຈີນສ້າງຕັ້ງຂຶ້ນຄົບຮອບ 70 ປີ, ແມ່ນປີທີ່ເປັນຂໍ້ກະແຈໃນການສ້າງສັງຄົມອີ່ມໜຳສຳລານໃຫ້ສຳເລັດຢ່າງຮອບດ້ານ ແລະບັນລຸເປົ້າໝາຍສູ້ຊົນຮ້ອຍປີທຳອິດ. ພັກກອມມູນິດຈີນຕ້ອງສືບຕໍ່ຊຸກຍູ້ການຄຸ້ມຄອງພັກຢ່າງເຂັ້ມງວດແລະຮອບດ້ານ, ສືບຕໍ່ຊຸກຍູ້ການສ້າງການປອດໄສໄຮ້ມົນທິນຂອງພັກແລະການຕ້ານການສໍ້ລາດບັງຫຼວງ. ທ່ານໄດ້ສະເໜີໜ້າທີ່ 6 ປະການເຊິ່ງລວມທັງ ການເພີ່ມທະວີການສ້າງສາການເມືອງຂອງພັກ, ການປັບປຸງລະບົບຕິດຕາມກວດກາໃຫ້ສົມບູນຂຶ້ນ, ການເພີ່ມທະວີການລົງໂທດຕໍ່ການສໍ້ລາດບັງຫຼວງທີ່ກ່ຽວພັນເຖິງຊີວິດການເປັນຢູ່ຂອງປະຊາຊົນ ແລະອື່ນໆ.

 

ຄຳ​ເຫັນ

0