ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 11 ມັງກອນນີ້, ໄດ້ມີຂ່າວດີສົ່ງມາຈາກໂຄງການສຳຫຼວດດວງຈັນ“ຊາງເອີ”ເລກ 4. ເຄື່ອງລົງຈອດ“ຊາງເອີ”ເລກ 4 ກັບເຄື່ອງສັງເກດການ“ຢຸ້ຍຖູ້”ເລກ 2 ໄດ້ຖ່າຍຮູບໃຫ້ກັນຢ່າງສຳເລັດຜົນ, ໜ້າທີ່ນີ້ໄດ້ຮັບຜົນສຳເລັດຢ່າງຈົບງາມ. ທ່ານຫຼິວເຮີ້ ກຳມະການກົມການເມືອງສູນກາງພັກກອມມູນິດຈີນ ຮອງນາຍົກລັດຖະມົນຕີຈີນ, ທ່ານຈ່າງໂຢ້ເຊຍ ກຳມະການກົມການເມືອງສູນກາງພັກກອມມູນິດຈີນ ຮອງປະທານຄະນະກຳມະການການທະຫານສູນກາງຈີນໄດ້ຊົມການຖ່າຍທອດສົດຢູ່ສູນຄວບຄຸມການບິນອະວະກາດປັກກິ່ງ. ທ່ານຫຼິວເຮີ້ໄດ້ອ່ານໂທລະເລກອວຍພອນຈາກສູນກາງພັກກອມມູນິດຈີນ ລັດຖະບານຈີນ ແລະຄະນະກຳມະການການທະຫານສູນກາງຈີນ.
ໂທລະເລກອວຍພອນຂຽນວ່າ: ຖືການສຳເລັດໜ້າທີ່“ຊາງເອີ”ເລກ 4 ຢ່າງຈົບງາມເປັນຂີດໝາຍ, ໂຄງການສຳຫຼວດດວງຈັນໄລຍະທີ 4 ແລະໂຄງການສຳຫຼວດອະວະກາດລວງເລິກຈະເລີ່ມດຳເນີນຢ່າງຮອບດ້ານ, ຫວັງໃຫ້ທຸກສະຫາຍທີ່ເຮັດວຽກຢູ່ໃນໜ້າທີ່ການບິນອະວະກາດຈົ່ງສ້າງຜົນງານໃໝ່ທີ່ດີເດັ່ນກວ່າເກົ່າອີກເພື່ອບັນລຸຄວາມຝັນຂອງຈີນທີ່ຟື້ນຟູຄວາມຈະເລີນຮຸ່ງເຮືອງຂອງປະຊາຊາດຈີນ ແລະຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ!
ເຄື່ອງສຳຫຼວດດວງຈັນ“ຊາງເອີ”ເລກ 4 ໄດ້ຖືກສົ່ງຂຶ້ນຢູ່ອະວະກາດຢູ່ສູນສົ່ງດາວທຽມຊີ່ຊ່າງຂອງຈີນໃນວັນທີ 8 ທັນວາປີ 2018 ເຊິ່ງເປັນຄັ້ງທຳອິດໃນປະຫວັດສາດມວນມະນຸດທີ່ສົ່ງເຄື່ອງບິນໄປລົງຈອດແລະສຳຫຼວດຢູ່ດ້ານຫຼັງຂອງດວງຈັນ ແລະເປັນຄັ້ງທຳອິດທີ່ສ້າງການສື່ສານລະຫວ່າງໜ່ວຍໂລກກັບດ້ານຫຼັງຂອງດວງຈັນ, ຮອຍຕີນແຖວທຳອິດຂອງຈີນໃນການສຳຫຼວດດວງຈັນໄດ້ສ້າງຢູ່ດ້ານຫຼັງຂອງດວງຈັນໄວ້.
ຄຳເຫັນ
0