ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ມັງກອນນີ້, ສະພາຕ່ຳອັງກິດໄດ້ລົງຄະແນນສຽງປະຕິເສດຍັດຕິບໍ່ໄວ້ວາງໃຈລັດຖະບານອັງກິດ.
ໃນມື້ດຽວກັນ, ພາຍຫຼັງສະພາຕ່ຳອັງກິດດຳເນີນອະພິປາຍແລ້ວ, ໂດຍມີສຽງບໍ່ເຫັນດີ 325 ຄະແນນ, ສຽງສະໜັບສະໜູນ 306 ຄະແນນຈຶ່ງໄດ້ປະຕິເສດຍັດຕິບໍ່ໄວ້ວາງໃຈລັດຖະບານທີ່ສະເໜີໂດຍທ່ານເຈເຣມີ ກໍບິນ ຫົວໜ້າພັກຝ່າຍຄ້ານ.
ທ່ານກໍບິນໄດ້ກ່າວໃນການອະພິປາຍວ່າ: ປັດຈຸບັນນີ້, ລັດຖະບານອັງກິດໄດ້ກາຍເປັນລັດຖະບານທີ່ຂາດອຳນາດ, ທ່ານຮຽກຮ້ອງໃຫ້ຈັດການເລືອກຕັ້ງທົ່ວໄປໂດຍໄວ. ທ່ານນາງເທເຣຊາ ເມ ນາຍົກລັດຖະມົນຕີອັງກິດໄດ້ຕອບໂຕ້ວ່າ: ການຈັດການເລືອກຕັ້ງທົ່ວໄປໃນປັດຈຸບັນນີ້ບໍ່ສອດຄ່ອງກັບຜົນປະໂຫຍດຂອງຊາດ, ທ່ານນາງຍິນດີຮ່ວມກັບຜູ້ນຳພັກຕ່າງໆຂອງອັງກິດດຳເນີນການເຈລະຈາກ່ຽວກັບບັນຫາ “ຖອນອອກຈາກສະຫະພາບເອີຣົບ”.
ຄຳເຫັນ
0