ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບໍລິສັດສະໜາມບິນຢຸນນານໄດ້ໃຫ້ຮູ້ໃນວັນທີ 17 ມັງກອນນີ້ວ່າ: ມາຮອດທ້າຍປີ 2018, ປະລິມານເສັ້ນທາງການບິນທີ່ບໍລິສັດສະໜາມບິນຢຸນນານໃຫ້ບໍລິການມີເຖິງ 524 ເສັ້ນ,ໃນນັ້ນເສັ້ນທາງບິນພາຍໃນມີ 441 ເສັ້ນ, ສາກົນ 78 ເສັ້ນ,ພາກພື້ນ 5 ເສັ້ນ. ໃນນີ້,ເສັ້ນທາງການບິນແຕ່ສະໜາມບິນຄຸນໝິງຫາປະເທດອາຊີໃຕ້ແລະອາຊີຕາເວັນອອກສຽງໃຕ້ໄດ້ມີເຖິງ 34 ຕົວເມືອງ,ເປັນອັນດັບໜຶ່ງຂອງທົ່ວປະເທດ.
ແຂວງຢຸນນານຕັ້ງຢູ່ພາກຕາເວັນຕົກສຽງໃຕ້ຂອງຈີນ,ມີຊາຍແດນຕິດກັບມຽນມາ,ລາວແລະຫວຽດນາມ. ຄຽງຄູ່ກັບການຊຸກຍູ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແລະ ການພັດທະນາເສດຖະກິດສັງຄົມຂອງແຂວງຢຸນນານ,ຈຳນວນຄົນເຂົ້າອອກເມືອງໄດ້ເພີ່ມຂຶ້ນຢ່າງບໍ່ຢຸດຢັ້ງ.
ປີ 2018,ສະໜາມບິນແຫ່ງຕ່າງໆຂອງແຂວງຢຸນນານໄດ້ສຳເລັດການຂົນສົ່ງຜູ້ໂດຍສານແລະເຄື່ອງຂອງ 532,9 ພັນຖ້ຽວບິນ,ເພີ່ມຂຶ້ນ 6,2% ເມື່ອທຽບໃສ່ປີ 2017;ໄດ້ຂົນສົ່ງຜູ້ໂດຍສານຈຳນວນ 67.585,6 ພັນເທື່ອຄົນ,ເພີ່ມຂຶ້ນ 7,6% ເມື່ອທຽບໃສ່ປີ 2017;ປະລິມານການຂົນສົ່ງເຄື່ອງໄດ້ບັນລຸເຖິງ 475 ພັນໂຕນ,ເພີ່ມຂຶ້ນ 2,5% ເມື່ອທຽບໃສ່ປີ 2017.
ຄຳເຫັນ
0