ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂຮງຜະລິດເຄື່ອງດົນຕີຕົ້ນຕະກຸນຂອງບ້ານເຄື່ອງດົນຕີຊົນເຜົ່າເຂດຊິນຈ່ຽງ ມີປະຫວັດມາເປັນ 150 ປີແລ້ວ, ມາຮອດທຸກມື້ນີ້,ໃນບ້ານນີ້, ມີ 273 ຄອບຄົວມີທັງໝົດ 500 ກວ່າຄົນໄດ້ເຮັດອາຊີບຜະລິດເຄື່ອງດົນຕີຊົນເຜົ່າ 27 ປະເພດຈຳນວນ 50 ຊະນິດ ປີ 2000, ຄະນະລັດຖະບານຈີນໄດ້ຂະໜານນາມໃຫ້ບ້ານດັ່ງກ່າວວ່າ “ບ້ານເຄື່ອງດົນຕີຊົນເຜົ່າຊິນຈ່ຽງຈີນອັນດັບ 1”
ດົນຕີອູເກີ ອອນ ອິກຄີ ມູຄາມ (uyghur on ikki muqam) ເຊິ່ງເປັນດົນຕີດັ້ງເດີມອຳມະຕະຂອງເຜົ່າອຸຍເກີ້ ປະກອບດ້ວຍເພງ, ກາບກອນ,ດົນຕີ, ການຟ້ອນ,ການຮ້ອງແລະການເສບດົນຕີ, ມີປະຫວັດປະມານ 1000 ປີ ແລະໄດ້ຖືກຄັດເລືອກໃຫ້ເປັນມໍລະດົກວັດທະນະທຳນາມມະທຳໂລກ.
ທ່ານຊີອາເບີ ຣາມານ ບັນນາທິການບໍລິຫານງານຂອງໜັງສືພິມDaily Sun ບັງກະລາເດັດກ່າວວ່າ: ປັດຈຸບັນ ອະລິຍະທຳຫຼາຍຢ່າງເຊິ່ງລວມທັງອະລິຍະທຳຊົນເຜົ່າສ່ວນໜ້ອຍຈຳນວນໜຶ່ງກຳລັງຫາຍສາບສູນ. ຕາມທີ່ຂ້າພະເຈົ້າໄດ້ຮູ້ໄດ້ເຫັນ, ລັດຖະບານຈີນເຮັດໄດ້ດີຫຼາຍໃນດ້ານການອະນຸລັກຮັກສາວັດທະນະທຳຊົນເຜົ່າສ່ວນໜ້ອຍ.
ທ່ານທາສວາຊາມານ ບາບາຣ ຜູ້ດຳເນີນລາຍການຂອງວິທະຍຸມິດຕະພາບຈີນ-ປາກີສະຖານFM98 ປະຈຳປາກີສະຖານກ່າວວ່າ: ດີໃຈຫຼາຍທີ່ໄດ້ເຫັນວ່າ ຢູ່ຈີນບໍ່ວ່າຈະເປັນຕົວເມືອງຫຼືຊົນນະບົດເຖິງຈະມີການພັດທະນາບໍ່ໄດ້ຫຼົງລືມວຽກງານອະນຸລັກຮັກສາວັດທະນະທຳ, ໃນນີ້ ລັດຖະບານກໍໄດ້ເສີມຂະຫຍາຍບົດບາດອັນສຳຄັນ. ວັດທະນະທຳ,ເຄື່ອງນຸ່ງຂອງຖື,ຮູບຊົງເອກະລັກສິ່ງກໍ່ສ້າງ,ວິຖີຊີວິດການເປັນຢູ່ຕາມຮີດຄອງປະເພນີ,ອາຫານການກິນຂອງ 56 ຊົນເຜົ່າຂອງຈີນລ້ວນແຕ່ໄດ້ຮັບການອະນຸລັກທີ່ດີ. ປະສົບການທັດສະນະສຶກສາຢູ່ນະຄອນຄາສກາແລະນະຄອນອູລຸມກີເຮັດໃຫ້ຂ້າພະເຈົ້າ ຮູ້ສຶກວ່າ ຄວາມຮັກຫອມຕໍ່ຄ່ານິຍົມດ້ານວັດທະນະທຳຂອງປະຊາຊົນຈີນຈິ່ງເຮັດໃຫ້ວັດທະນະທຳທີ່ມີປະຫວັດສາດ 2000 ກວ່າປີຖືກອະນຸລັກຮັກສາໄວ້ຈົນເຖິງປັດຈຸບັນແລະຍັງຄົງມີຊີວິດຊີວາຢ່າງກວ້າງຂວາງ.
ຄຳເຫັນ
0