ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມັງກອນນີ້, ທ່ານແອດູອາໂດ ບຣີງກາສ ຫົວໜ້າປະຕິບັດງານຄະນະກຳມະການຕ້ານການສໍ້ລາດບັງຫຼວງຂອງປະທານາທິບໍດີຟິລິບປິນໄດ້ໃຫ້ສຳພາດວ່າ: ເມື່ອບໍ່ດົນມານີ້, ການຮ່ວມມືລະຫວ່າງຟິລິບປິນ ແລະຈີນໄດ້ບັນລຸຜົນສຳເລັດໂດຍໄດ້ຈັບທ້າວເຊ້ຮ້າວເຈຍ ຜູ້ຕ້ອງຫາກໍ່ອາຊະຍາກຳທີ່ມີຕຳແໜ່ງຂອງຈີນທີ່ໜີໄປລົບລີຢູ່ຟິລິບປິນ, ອົງການຕ້ານການສໍ້ລາດບັງຫຼວງຟິລິບປິນຍິນດີຮ່ວມກັບຈີນສືບຕໍ່ດຳເນີນການປະສານງານປະຕິບັດກົດໝາຍສາກົນທີ່ກ່ຽວຂ້ອງ.
ທ່ນບຣີງກາສໄດ້ໃຫ້ສຳພາດວ່າ: ການຈັບຜູ້ຕ້ອງຫາເຊ້ຮ້າວເຈຍເທື່ອນີ້ເປັນຜົນງານເທື່ອທຳອິດຂອງການຮ່ວມມືນັບແຕ່ຄະນະກຳມະການຕ້ານການສໍ້ລາດບັງຫຼວງຂອງປະທານາທິບໍດີຟິລິບປິນສ້າງຕັ້ງຂຶ້ນ ແລະດຳເນີນການຈັດຕັ້ງປະຕິບັດກັບອົງການລັດຖະບານຕ່າງປະເທດ, ຍັງເປັນໝາກຜົນຂອງການແບ່ງປັນຂໍ້ມູນຂ່າວສານ ແລະການຮ່ວມມືລະຫວ່າງຟິລິບປິນ ແລະຈີນ.
ທ່ານກ່າວຕື່ມວ່າ: “ການສໍ້ລາດບັງຫຼວງເປັນສັດຕູຮ່ວມຂອງລັດຖະບານບັນດາປະເທດ, ຜົນສຳເລັດຂອງການຮ່ວມມືລະຫວ່າງຟິລິບປິນ ແລະຈີນເທື່ອນີ້ຈະເປັນການກ່າວເຕືອນໃຫ້ຜູ້ສໍ້ລາດບັງຫຼວງຕ່າງປະເທດຮູ້ວ່າ: ຟິລິບປິນບໍ່ແມ່ນເຂດລົບລີ້ທີ່ປອດໄພສຳລັບຜູ້ຕ້ອງຫາ.” ຂະນະດຽວກັນ, ທ່ານໄດ້ສະແດງຄວາມຊົມເຊີຍຕໍ່ຄວາມພະຍາຍາມຂອງລັດຖະບານຈີນໃນການຕ້ານການສໍ້ລາດບັງຫຼວງ ແລະການໄລ່ລ່າຈັບກຸມຜູ້ກໍ່ຄະດີແລ້ວຫຼົບໜີພ້ອມຂອງກາງໃນຊຸມປີທີ່ຜ່ານມາ.
ຄຳເຫັນ
0