ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມັງກອນນີ້, ທ່ານເດວິດ ລິບຕັນ ຮອງຜູ້ອຳນວຍການຜູ້ທີ່ໜຶ່ງຂອງອົງການກອງທຶນເງິນຕາສາກົນ ຫຼື IMF ກ່າວວ່າ: ປັດຈຸບັນນີ້, ເສດຖະກິດໂລກຜະເຊີນກັບສິ່ງທ້າທາຍຫຼາຍຢ່າງ, ກຸ່ມເສດຖະກິດຕ່າງໆຄວນກຽມພ້ອມໂດຍໄວ ເພື່ອປ້ອງກັນຄວາມສ່ຽງທີ່ເສດຖະກິດຈະຕົກຕ່ຳໃນຕໍ່ໜ້າ.
ທ່ານລິບຕັນໄດ້ເຜີຍແຜ່ບົດຄວາມໃນເວັບໄຊທາງການ IMF ວ່າ: ປະສົບການຜ່ານມາໄດ້ຊີ້ໃຫ້ເຫັນວ່າການຕົກຕ່ຳຂອງເສດຖະກິດໃນຮອບຖັດໄປໃກ້ຈະມາເຖິງແລ້ວ ແລະຈັງຫວະການເຕີບໂຕຂອງເສດຖະກິດໂລກຫຼຸດລົງໃນເມື່ອບໍ່ດົນມານີ້ເປັນສິ່ງສະແດງໃຫ້ເຫັນວ່າມີຄວາມຈຳເປັນຕ້ອງກະກຽມໃຫ້ດີເພື່ອຮັບມືກັບ “ການພັດທະນາຕ່ຳກວ່າການຄາດຄິດ”. ທ່ານສະເໜີວ່າບັນດາກຸ່ມເສດຖະກິດຄວນນຳໃຊ້ນະໂຍບາຍເງິນຕາ ແລະການເງິນ, ກໍຄືລະບຽບການຕິດຕາມຄຸ້ມຄອງຕ່າງໆທີ່ສ້າງຂຶ້ນຫຼັງຈາກວິກິດການການເງິນ ເພື່ອຕັ້ງໜ້າປ້ອງກັນຄວາມສ່ຽງທີ່ເສດຖະກິດຈະຕົກຕ່ຳລົງໃນຕໍ່ໜ້າ.
ຄຳເຫັນ
0