ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ມັງກອນນີ້, ທ່ານເຊີເກ ລາຟລົບ ລັດຖະມົນຕີກະຊວງການຕ່າງປະເທດຣັດເຊຍໄດ້ກ່າວຢູ່ນະຄອນຫຼວງມົສກູວ່າ: ຣັດເຊຍຍິນດີພະຍາຍາມເພື່ອຣັກສາ “ສັນຍາຈຳກັດຂີປະນາວຸດໄລຍະກາງ ລະຫວ່າງອາເມຣິກາ-ຣັດເຊຍ” ຢ່າງສະເໝີຕົ້ນສະເໝີປາຍ ແລະຫວັງວ່າອາເມຣິກາຈະມີຄວາມຮັບຜິດຊອບຕໍ່ປະຊາຄົມໂລກກ່ຽວກັບບັນຫາການຮັກສາຄວາມໝັ້ນຄົງທາງຍຸດທະສາດ.
ທ່ານລາຟລົບໄດ້ກ່າວໃນພິທີຖະແຫຼງຂ່າວປະຈຳປີທີ່ຈັດຂຶ້ນໃນມື້ດຽວກັນວ່າ: ປັດຈຸບັນນີ້, ສະຖານະການໂລກຍັງມີຄວາມສັບສົນຢູ່ຄືເກົ່າ, ແຕ່ອາເມຣິກາຍັງຖືເອົາເຈຕະນາຂອງຕົນກົດໜີບປະຊາຄົມໂລກ. ຣັດເຊຍຫວັງວ່າບັນດາປະເທດທີ່ກ່ຽວຂ້ອງໃນເອີຣົບຈະສະໜັບສະໜູນການຮັກສາ “ສັນຍາຈຳກັດຂີປະນາວຸດໄລຍະກາງ ລະຫວ່າງອາເມຣິກາ-ຣັດເຊຍ”, ປ່ຽນຈຸດຢືນຂອງຕົນໃນການປະຕິບັດຕາມອາເມຣິກາ ແລະອົງການສົນທິສັນຍາປ້ອງກັນອັດລັງຕິກເໜືອ ຫຼື ນາໂຕ.
ຄຳເຫັນ
0