ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມັງກອນນີ້, ທ່ານ ນາບິວ ຊາອັສ ທີ່ປຶກສາຂອງປະທານາທິບໍດີປາແລັສຕິນກ່າວເນັ້ນວ່າ: ຝ່າຍປາແລັສຕິນປະຕິເສດເຈດຕະນາລົມທັງໝົດຂອງລັດຖະບານອາເມຣິກາທີ່ຢາກບັນລຸການເຊັນສັນຍາກັບອິສຣາແອນພຽງຝ່າຍດຽວໃນຂະບວນການສັນຕິພາບປາແລັສຕິນ-ອິສຣາແອນ.
ໃນມື້ດັ່ງກ່າວ,ທ່ານ ນາບິວ ຊາອັສ ໄດ້ອອກຖະແຫຼງການໂດຍຜ່ານສະຖານີວິທະຍຸ “ສຽງແຫ່ງປາແລັສຕິນ” ວ່າ: ຫຼັງຈາກອາເມຣິກາໄດ້ໃຊ້ມາດຕະການທີ່ບໍ່ເປັນຜົນດີຕໍ່ຝ່າຍປາແລັສຕິນກ່ຽວກັບບັນຫາປາແລັສຕິນແລ້ວ,ປາແລັສຕິນບໍ່ຮັບເອົາຂໍ້ສະເໜີໃໝ່ໃດໆຂອງທ່ານ ໂດໂນ ທຣຳ ປະທານາທິບໍດີອາເມຣິກາໃນຂະບວນການສັນຕິພາບ,ພ້ອມທັງປະຕິເສດທີ່ຈະຮັບອາເມຣິກາເປັນຝ່າຍໄກ່ເກ່ຍຝ່າຍດຽວໃນຂະບວນການສັນຕິພາບ.
ໃນມື້ດຽວກັນ, ກະຊວງການຕ່າງປະເທດປາແລັສຕິນໄດ້ອອກຖະແຫຼງການວ່າ:ພາຍໃຕ້ເງື່ອນໄຂທີ່ເປັນການເຂົ້າຂ້າງຝ່າຍອິສຣາແອນ,ປາແລັສຕິນຈະບໍ່ເອົາຫົວຊາຕໍ່ຂໍ້ສະເໜີໃດໆຂອງອາເມຣິກາໃນການແກ້ໄຂຄວາມຂັດແຍ້ງກັນລະຫວ່າງປະເທດຕົນກັບອິສຣາແອນ,ເວັ້ນແຕ່ອາເມຣິກາປ່ຽນແປງຂໍ້ຕົກລົງທີ່ທຳລາຍພື້ນຖານສັນຕິພາບສາກ່ອນ.
ຄຳເຫັນ
0