ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 17 ມັງກອນນີ້, ທ່ານນາງຮວາຊຸນຢິງ ໂຄສົກກະຊວງການຕ່າງປະເທດຈີນໄດ້ທວງໃຫ້ສະມາຊິກສະພາທີ່ກ່ຽວຂ້ອງຂອງອາເມຣິກາຢຸດຕິການໂຈມຕີແລະກົດດັນໂດຍບໍ່ມີເຫດຜົນຕໍ່ວິສາຫະກິດຈີນ.
ກ່ຽວກັບສະມາຊິກສະພາຈຳນວນໜຶ່ງຂອງອາເມຣິກາສະເໜີຍັດຕິອອກມາວ່າ, ຫວັງໃຫ້ອາເມຣິກາສະກັດກັ້ນການສົ່ງອອກອາໄຫຼ່ໃຫ້ບໍລິສັດຫົວເຫວີຍ, ບໍລິສັດ ZTE ແລະ ບໍລິສັດໂທລະຄົມອື່ນໆຂອງຈີນ ທີ່ໄດ້ລະເມີດກົດໝາຍການຂວ້ຳບາດ ແລະ ກົດໝາຍຄວບຄຸມການສົ່ງອອກຂອງອາເມຣິກາ. ທ່ານນາງ ຮວ້າຊຸນຢິງກ່າວວ່າ, ທົ່ວໂລກລ້ວນແຕ່ຮູ້ດີເຈດຕະນາທີ່ແທ້ຈິງຂອງອາເມຣິກາທີ່ພະຍາຍາມໃຊ້ທຸກວິທີທາງໃນກົງຈັກລັດ ເພື່ອໂຈມຕີແລະໃຊ້ຄວາມກົດດັນຕໍ່ບໍລິສັດວິທະຍາສາດເຕັກໂນໂລຊີຂັ້ນສູງຂອງຈີນ, ຈົນວ່າມີຜູ້ເບິ່ງກວ້າງເຫັນໄກຈຳນວນໜຶ່ງຢູ່ພາຍໃນປະເທດອາເມຣິກາກໍໄດ້ຊີ້ໃຫ້ເຫັນຄວາມທາດແທ້ ແລະ ຜົນຮ້າຍທີ່ອາດຈະເກີດຂຶ້ນຍ້ອນການກະທຳທີ່ກ່ຽວຂ້ອງຂອງອາເມຣິກາ.
ທ່ານນາງຮວ້າຊຸນຢິງກ່າວຕື່ມວ່າ, ຈີນເດັດດ່ຽວຄັດຄ້ານອາເມຣິກາໃຊ້ມາດຕະການຄວບຄຸມການສົ່ງອອກຕາມລຳພັງໃຈ, ຄັດຄ້ານອາເມຣິກາແຊກແຊງການຄ້າແລະການຮ່ວມມືສາກົນຕາມປົກກະຕິຂອງວິສາຫະກິດ. ພວກເຮົາທວງໃຫ້ສະມາຊິກສະພາທີ່ກ່ຽວຂ້ອງຂອງອາເມຣິກາຢຸດຕິການໂຈມຕີແລະໃຊ້ຄວາມກົດດັນໂດຍບໍ່ມີເຫດຜົນຕໍ່ວິສາຫະກິດຈີນ, ຢຸດຕິການຊຸກຍູ້ການຄົ້ນຄວ້າພິຈາລະນາຍັດຕິທີ່ກ່ຽວຂ້ອງ ແລະ ເຮັດໃນສິ່ງທີ່ມີຜົນດີຕໍ່ການເພີ່ມຄວາມໄວ້ເນື້ອເຊື່ອໃຈກັນ ແລະ ການຮ່ວມມືລະຫວ່າງສອງປະເທດຈີນ-ອາເມຣິກາ.
ຄຳເຫັນ
0