ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 17 ມັງກອນນີ້, ທ່ານ ກ່າວເຟີ່ງ ໂຄສົກກະຊວງການຄ້າຈີນໃຫ້ຮູ້ວ່າ: ໂດຍຕອບສະໜອງຕາມການເຊື້ອເຊີນຂອງທ່ານ ສຕີເວີນ ມະນູຊິນ ລັດຖະມົນຕີກະຊວງການເງິນອາເມຣິກາ ແລະ ທ່ານ ໂຣເບີດ ໄລທີເຊີ ຜູ້ຕາງໜ້າການຄ້າຂອງອາເມຣິກາ, ທ່ານ ຫຼິວເຮີ້ ຮອງນາຍົກລັດຖະມົນຕີຈີນຈະຢ້ຽມຢາມອາເມຣິກາໃນວັນທີ 30 ຫາ 31 ມັງກອນນີ້,ເພື່ອປຶກສາຫາລືກ່ຽວກັບບັນຫາເສດຖະກິດການຄ້າລະຫວ່າງສອງປະເທດ.
ໃນວັນທີ 7 ຫາວັນທີ 9 ມັງກອນນີ້, ຈີນແລະອາເມຣິກາໄດ້ຈັດການປຶກສາຫາລືລະດັບຮອງລັດຖະມົນຕີກ່ຽວກັບບັນຫາເສດຖະກິດການຄ້າຢູ່ນະຄອນຫຼວງປັກກິ່ງ,ສອງຝ່າຍໄດ້ຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບທີ່ສຳຄັນລະຫວ່າງປະມຸກລັດຂອງສອງປະເທດ,ໄດ້ແລກປ່ຽນຄວາມຄິດເຫັນຢ່າງກວ້າງຂວາງ,ເລິກເຊິ່ງແລະລະອຽດກ່ຽວກັບບັນຫາການຄ້າແລະໂຄງປະກອບທີ່ສອງຝ່າຍສົນໃຈຮ່ວມກັນ,ແລະເພີ່ມທະວີຄວາມເຂົ້າໃຈເຊິ່ງກັນແລະກັນ ເຊິ່ງໄດ້ສ້າງພື້ນຖານໃຫ້ແກ່ການແກ້ໄຂບັນຫາທີ່ກ່ຽວຂ້ອງຂອງສອງຝ່າຍ,ພ້ອມດຽວກັນນີ້,ສອງຝ່າຍເຫັນດີຈະສືບຕໍ່ຮັກສາການຕິດຕໍ່ພົວພັນຢ່າງແໜ້ນແຟ້ນ.
ຄຳເຫັນ
0