ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມັງກອນນີ້, ສະຫະພາບເອີຣົບໄດ້ປະກາດວ່າ: ເນື່ອງຈາກຈຳນວນເຂົ້າສານຂອງກຳປູເຈຍ ແລະມຽນມາທີ່ສົ່ງໃຫ້ເອີຣົບເພີ່ມຂຶ້ນຢ່າງຫຼວງຫຼາຍ, ໄດ້ສ້າງຜົນເສຍຫາຍໃຫ້ວິສາຫະກິດຜະລິດເຂົ້າສານຂອງສະຫະພາບເອີຣົບ, ສະນັ້ນ, ເອີຣົບຕັດສິນໃຈນຳໃຊ້ມາດຕະການຈຳກັດການສົ່ງເຂົ້າສານຂອງກຳປູເຈຍ ແລະມຽນມາໃຫ້ເອີຣົບ.
ຄະນະກຳມາທິການສະຫະພາບເອີຣົບໄດ້ອອກບົດລາຍງານໃນມື້ດຽວກັນວ່າ: ນັບແຕ່ວັນທີ 18 ມັງກອນນີ້, ເອີຣົບຈະໃຊ້ມາດຕະການຈຳກັດການສົ່ງເຂົ້າສານຂອງ 2 ປະເທດດັ່ງກ່າວໃຫ້ເອີຣົບເປັນເວລາ 3 ປີໂດຍການເກັບພາສີຕາມປົກກະຕິຄືນໃໝ່, ໃນນັ້ນ ພາສີໃນປີທີໜຶ່ງແມ່ນໂຕນລະ 175 ເອີໂຣ, ປີທີສອງແມ່ນໂຕນລະ 150 ເອີໂຣ ແລະປີທີສອມແມ່ນໂຕນລະ 125 ເອີໂຣ.
ໃນບົດລາຍງານດັ່ງກ່າວຍັງໄດ້ລະບຸວ່າ: ໃນ 5 ປີຜ່ານມາ, ຈຳນວນເຂົ້າສານຂອງກຳປູເຈຍ ແລະມຽນມາທີ່ສົ່ງໃຫ້ເອີຣົບເພີ່ມຂຶ້ນ 89% ແລະລາຄາຕ່ຳກວ່າຕະຫຼາດເອີຣົບຢ່າງຫຼວງຫຼາຍ ເຊິ່ງໄດ້ສົ່ງຜົນກະທົບຕໍ່ວິສາຫະກິດຜະລິດເຂົ້າສານຂອງເອີຣົບ.
ຄຳເຫັນ
0