ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 18 ມັງກອນນີ້, ກອງປະຊຸມລັດຖະມົນຕີການທ່ອງທ່ຽວອາຊຽນ + ຈີນ ຍີປຸ່ນ ແລະ ສ.ເກົາຫຼີ (10+3) ຄັ້ງທີ 18 ໄດ້ໄຂຂຶ້ນຢູ່ເມືອງຮ່າລອງ ແຂວງກວາງນີນຂອງຫວຽດນາມ. ທ່ານຊົງໂປ່ ເອກອັກຄະລັດຖະທູດຈີນປະຈຳຫວຽດນາມ ພ້ອມທັງຜູ້ນຳ ແລະ ຜູ້ຕາງໜ້າບັນດາປະເທດອາຊຽນ, ຍີ່ປຸ່ນ ແລະ ສ.ເກົາຫຼີໄດ້ເຂົ້າຮ່ວມກອງປະຊຸມເທື່ອນີ້.
ໃນກອງປະຊຸມທ່ານຊົງໂປ່ກ່າວວ່າ, ຈີນ-ອາຊຽນເປັນປະເທດແຫຼ່ງນັກທ່ອງທ່ຽວ ແລະ ແຫຼ່ງຈຸດໝາຍປາຍທາງການທ່ອງທ່ຽວທີ່ສຳຄັນເຊິ່ງກັນແລະກັນ, ຄາດວ່າ, ປີ 2018 ອາດຈະມີ 58 ລ້ານເທື່ອຄົນໄປມາຫາສູ່ກັນລະຫວ່າງສອງຝ່າຍ. ການແລກປ່ຽນ ແລະ ການຮ່ວມມືດ້ານວັດທະນະທຳກາຍເປັນເສົາຄ້ຳ ແລະ ຈຸດເດັ່ນທີ່ສຳຄັນຂອງການຮ່ວມມືລະຫວ່າງຈີນ ກັບ ອາຊຽນ.
ໃນກອງປະຊຸມ, ທ່ານຊົງໂປ່ໃນຖານະທີ່ເປັນຜູ້ຕາງໜ້າຈີນໄດ້ສະເໜີຂໍ້ສະເໜີ 3 ຂໍ້ຕໍ່ການພັດທະນາການຮ່ວມມືດ້ານທ່ອງທ່ຽວ 10+3 ໃນອະນາຄົດ, ຄື: ໜຶ່ງ,
ເພີ່ມທະວີການຮ່ວມມືລະຫວ່າງລັດຖະບານ ແລະ ການຮ່ວມມືດ້ານຂະແໜງການ, ຊຸກຍູ້ການຮ່ວມມືດ້ານທ່ອງທ່ຽວໃຫ້ມີຄຸນນະພາບດີຂຶ້ນ ແລະ ມີລະດັບສຽງຂຶ້ນ. ສອງ, ແບ່ງປັນບົດຮຽນຂອງດ້ານການທ່ອງທ່ຽວຂອງປະເທດຕ່າງໆໃນການສ້າງໂອກາດປະກອບອາຊີບ, ດຶງດູດການລົງທຶນ, ຊຸກຍູ້ການບໍລິໂພກ ແລະ ຫຼຸດຜ່ອນຄວາມທຸກຍາກ, ຊຸກຍູ້ການຫັນປ່ຽນຮູບການພັດທະນາເສດຖະກິດ ແລະ ບັນລຸການພັດທະນາແບບຍືນຍົງ ເພື່ອເຮັດໃຫ້ພາກພື້ນພັດທະນາໄປພ້ອມກັນ. ສາມ, ເພີ່ມທະວີການຮ່ວມມືດ້ານການພັດທະນາຊັບພະຍາກອນມະນຸດ, ຍົກລະດັບການເຊື່ອມໂຍງກັນດ້ານການບິນ, ເປີດກວ້າງການລົງທຶນເຊິ່ງກັນແລະກັນດ້ານການທ່ອງທ່ຽວ, ປັບປຸງສະພາບຄວາມປອດໄພຂອງສິ່ງກໍ່ສ້າງທ່ອງທ່ຽວ ແລະ ປັບປຸງກົນໄກແກ້ໄຂຕໍ່ເຫດການສຸກເສີນດ້ານການທ່ອງທ່ຽວໃຫ້ສົມບູນຂຶ້ນ.
ຄຳເຫັນ
0