ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຈັດຂຶ້ນໂດຍຫ້ອງການຖະແຫຼງຂ່າວຂອງລັດຖະບານຈີນໃນວັນທີ 18 ມັງກອນນີ້, ທ່ານ ລຽນເວີຍລຽງ ຮອງຫົວໜ້າຄະນະກຳມະການການພັດທະນາແລະປະຕິຮູບແຫ່ງລັດຈີນໄດ້ໃຫ້ຮູ້ວ່າ: ການຂົນສົ່ງໃນໄລຍະບຸນກຸດຈີນປີ 2019 ຈະເລີ່ມຕົ້ນແຕ່ວັນທີ 21 ມັງກອນນີ້ແລະສິ້ນສຸດໃນວັນທີ 1 ມີນາປີນີ້. ໃນໄລຍະການຂົນສົ່ງຍາມບຸນກຸດຈີນທີ່ເປັນເວລາ 40 ວັນນັ້ນຄາດວ່າທົ່ວປະເທດຈະບັນລຸການຂົນສົ່ງຜູ້ໂດຍສານຈຳນວນ 2 ຕື້ 990 ລ້ານ ເທື່ອຄົນ,ເພີ່ມຂຶ້ນ 0,6% ເມື່ອທຽບໃສ່ໄລຍະດຽວກັນຂອງປີ 2018.
ທ່ານ ລຽນເວີຍລຽງ ໃຫ້ຮູ້ຕື່ມວ່າ: ຈຸດໜັກວຽກງານຂອງການຂົນສົ່ງໂດຍສານໃນໄລຍະບຸນກຸດຈີນປີນີ້ແມ່ນ: ໜຶ່ງ, ຍົກລະດັບການຄ້ຳປະກັນຄວາມສາມາດດ້ານການຂົນສົ່ງໃຫ້ສູງຂຶ້ນ. ເຊິ່ງຈະເຮັດໃຫ້ຄວາມສາມາດດ້ານການຂົນສົ່ງຜູ້ໂດຍສານທາງລົດໄຟໄດ້ເພີ່ມຂຶ້ນ 5,4% ແລະ 5,2% ເມື່ອທຽບໃສ່ປີກາຍ. ໃນດ້ານການບິນພົນລະເຮືອນຄາດວ່າຈະຈັດຖ້ຽວບິນ 5 ແສນ 3 ໝື່ນ 2 ພັນຖ້ຽວ,ເພີ່ມຂຶ້ນປະມານ 10% ເມື່ອທຽບໃສ່ປີກາຍ. ໃນດ້ານການຂົນສົ່ງທາງຫຼວງຈະໃຊ້ລົດໂດຍສານ 8 ແສນ 1 ໝື່ນກວ່າຄັນ,ມີຈຳນວນບ່ອນນັ່ງ 21 ລ້ານກວ່າບ່ອນນັ່ງ;ສ່ວນທາງນ້ຳຈະໃຊ້ກຳປັ່ນໂດຍສານ 20 ພັນກວ່າລຳ,ມີປະມານ 1 ລ້ານບ່ອນນັ່ງ. ສອງ,ປັບປຸງການບໍລິການດ້ານການຊື້ປີ້ໃຫ້ດີຂຶ້ນ. ສາມ,ເພີ່ມທະວີການບໍລິການອາສາສະໝັກ. ໃນໄລຍະການຂົນສົ່ງຍາມບຸນກຸດຈີນປີນີ້ທົ່ວປະເທດຈະມີອາສາສະໝັກໄວໜຸ່ມ 2 ແສນ 3 ໝື່ນໃຫ້ການບໍລິການອາສາສະໝັກຢູ່ໃນ 23 ພັນຕຳແໜ່ງ. ສີ່,ບຳບັດຄວາມສ່ຽງໃນດ້ານຄວາມສະຫງົບ. ຫ້າ, ແກ້ໄຂບັນຫາລົດຕິດ. ຫົກ,ແກ້ໄຂບັນຫາການກະທຳຜິດກົດໝາຍແລະຜິດກົດລະບຽບແລະໄຮ້ຄວາມສິນເຊື່ອຢ່າງໜັກໜ່ວງ.
ຄຳເຫັນ
0