ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ອນບຸນກຸດຈີນ ບຸນປະເພນີທີ່ສຳຄັນຂອງຈີນຈະໝູນວຽນມາເຖິງ, ສຳລັບຊາວກະສິກອນຜູ້ທີ່ເຮັດວຽກຢູ່ໃນຕົວເມືອງແລ້ວ ສິ່ງທີ່ຢາກໄດ້ທີ່ສຸດນອກຈາກປີ້ລົດກັບເມືອຢາມບ້ານແລ້ວ, ກໍ່ຍັງມີລາຍໄດ້ເຮັດວຽກ. ວັນທີ 18 ມັງກອນນີ້ ທ່ານຊິວສຽວຜິງ ຮອງລັດຖະມົນຕີກະຊວງຊັບພະຍາກອນມະນຸດ ແລະຄ້ຳປະກກັນສັງຄົມຈີນໃຫ້ສຳພາດຢູ່ນະຄອນຫຼວງປັກກິ່ງວ່າ, ພາຍໃຕ້ຄວາມພະຍາຍາມຮ່ວມກັນຂອງທຸກຝ່າຍ,ສະພາບການຕິດໜີ້ເງິນເດືອນຂອງຊາວກະຊິກອນຜູ້ທີ່ຊອກວຽກເຮັດງານທຳຢູ່ໃນຕົວເມືອງທີ່ເກີດຂຶ້ນເລື້ອຍໆນັ້ນໄດ້ຮັບການສະກັດກັ້ນໄວ້. ກ່ອນບຸນກຸດຈີນປີນີ້ ລັດຖະບານຈະນຳໃຊ້ມາດຕະການຢ່າງແຂງແຮງຕື່ມມອີກ, ເພື່ອໃຫ້ຊາວກະສິກອນຜູ້ທີ່ເຮັດວຽກຢູ່ໃນຕົວເມືອງອັນໄພສານນັ້ນໄດ້ຮັບລາຍຮັບ ແລ້ວກັບເມືອຢາມບ້ານຢ່າງສະດວກ.
ຕະຫຼອດໄລຍະ 40 ປີ ນັບແຕ່ດຳເນີນການປະຕິຮູບແລະເປີດປະຕູສູ່ພາຍນອກເປັນຕົ້ນມາ, ຊາວກະສິກອນຜູ້ທີ່ຊອກວຽກເຮັດງານທຳຢູ່ໃນຕົວເມືອງໄດ້ກາຍເປັນຕົວຫຼັກຂອງກຳມະກອນຈີນ. ການທີ່ຄ້ຳປະກັນລາຍຮັບທີ່ຊອບດ້ວຍກົໝາຍຂອງກຸ່ມຄົນເຫຼົ່ານີ້, ພົວພັນເຖິງສິດຜົນປະໂຫຍດຂອງຊາວກະກອນຜູ້ທີ່ເຮັດວຽກຢູ່ໃນຕົວເມືອງອັນໄພສານ. ລັດຖະບານຈີນສຸດທິເອົາໃຈໃສ່ນຳບັນຫານີ້ແລະໄດ້ວາງກົດລະບຽບແລະມາດຕະການຢ່າງເປັນລະບົບອອກມາ, ສະຖິຕິສະແດງໃຫ້ເຫັນວ່າ, ໝົດປີ 2018 ໄດ້ສືບສວນຄະດີຕິດໜີ້ເງິນເດືອນ 86 ພັນຄະດີ, ໄດ້ຈ່າຍເງິນເດືອນຈຳນວນ 16 ຕື້ 40 ລ້ານຢວນໃຫ້ແກ່ຜູ້ອອກແຮງງານຈຳນນ 1 ລ້ານ 6 ແສນ 8 ໝື່ນ 9 ພັນຄຄົນ.
ຄຳເຫັນ
0