ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມັງກອນນີ້, 11 ປະເທດພາຄີສັນຍາຄູ່ຮ່ວມແບບຮອບດ້ານ ແລະກ້າວໜ້າຂ້າມມະຫາສະໝຸດປາຊີຟິກ ຫຼື CPTPP ໄດ້ຈັດກອງປະຊຸມຂັ້ນລັດຖະມົນຕີຄັ້ງທຳອິດຢູ່ນະຄອນຫຼວງໂຕກຽວຂອງຍີ່ປຸ່ນແຕ່ສັນຍາດັ່ງກ່າວມີຜົນບັງຄັບໃຊ້ເປັນຕົ້ນມາ. ຫຼັງກອງປະຊຸມ, ຝ່າຍຕ່າງໆໄດ້ເຜີຍແຜ່ຖະແຫຼງການຮ່ວມ, ໂດຍສະແດງຈຸດຢືນທີ່ຄັດຄ້ານລັດທິປົກປ້ອງ ແລະສະໜັບສະໜູນການຄ້າເສລີ.
ກອງປະຊຸມດັ່ງກ່າວໄດ້ປຶກສາຫາລື ແລະຕົກລົງວຽກງານຕ່າງໆ, ເຊັ່ນ, ຂັ້ນຕອນການລະອຽດຂອງການເຈລະຈາສຳລັບປະເທດ ຫຼື ເຂດແຄວ້ນທີ່ຢາກເຂົ້າເປັນປະເທດພາຄີສັນຍາດັ່ງກ່າວ, ແລະໄດ້ເຜີຍແຜ່ຖະແຫຼງການຮ່ວມຫຼັງກອງປະຊຸມ, ໂດຍສະແດງຄວາມວິຕົກກັງວົນຕໍ່ລັດທິປົກປ້ອງການຄ້າທີ່ຟື້ນຕົວຂຶ້ນໃນໂລກ. ໃນຖະແຫຼງການໄດ້ລະບຸວ່າ, ເພື່ອຮັບມືກັບລັດທິປົກປ້ອງການຄ້າ, ຄວນຊຸກຍູ້ການຄ້າເສລີຢ່າງແຂງແຮງ, ແລະເປີດກວ້າງຂະໜາດຂອງສັນຍາCPTPP.
ເດືອນມັງກອນປີ2017, ອາເມລິກາໄດ້ຖອນຕົວອອກຈາກສັນຍາຄູ່ຮ່ວມຂ້າມມະຫາສະໝຸດປາຊີຟິກ ຫຼື TPP. 11ປະເທດອື່ນທີ່ເຂົ້າຮ່ວມການເຈລະຈາTPPນັ້ນໄດ້ປັບປຸງສັນຍາສະບັບເກົ່າໃຫ້ເປັນCPTPP. ວັນທີ 30 ທັນວາ ປີ2018ທີ່ຜ່ານມາ, ສັນຍາCPTPPໄດ້ມີຜົນບັງຄັບໃຊ້ຢ່າງເປັນທາງການ.
ຄຳເຫັນ
0