ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມັງກອນນີ້, ທ່ານໂດໂນ ທຣຳ ປະທານາທິບໍດີອາເມລິກາໄດ້ປະກາດແຜນການສະບັບໜຶ່ງຢູ່ທີ່ທຳນຽບຂາວ ໂດຍລວມທັງຢຸດເຊົາແຜນການສົ່ງຄືນຊາວຍ້າຍຖິ່ນຖານສ່ວນໜຶ່ງເປັນການຊົ່ວຄາວ, ເພື່ອຜ່ອນຄາຍສະພາບແຂງກະດ້າງຍ້ອນການເຈລະຈາກັບພັກແດໂມແຄຣຕິກ, ແລະສິ້ນສຸດສະພາບການຢຸດເຮັດວຽກຂອງອົງການລັດຖະບານສະຫະລັດ. ແຕ່ພັກແດໂມແຄຣຕິກພັດບໍ່ເຫັນດີນຳ.
ວັນທີ 19 ມັງກອນນີ້, ທ່ານນາງນານຊີ ເພໂລຊີ ປະທານສະພາຕ່ຳຂອງລັດຖະສະພາອາເມລິກາ, ສະມາຊິກພັກແດໂມແຄຣຕິກອອກຖະແຫຼງການໂດຍກ່າວວ່າ, ແຜນການຂອງທ່ານທຣຳພຽງແຕ່ເປັນການລວບລວມຂໍ້ສະເໜີທີ່ຖືກຕີໂຕ້ຄືນເທົ່ານັ້ນ, ບໍ່ອາດໄດ້ຮັບການຮັບຮອງໃນສະພາຕ່ຳ. ທ່ານນາງກ່າວຢ້ຳວ່າ,ຫຼັງຈາກລັດຖະບານສະຫະລັດຟື້ນຟູການເຮັດວຽກແລ້ວ ຈຶ່ງອາດຈະປຶກສາຫາລືກັບທຳນຽບຂາວກ່ຽວກັບຂໍ້ສະເໜີເພີ່ມຄວາມປອດໄພໃນເຂດຊາຍແດນເທົ່ານັ້ນ.
ຍ້ອນທຳນຽບຂາວແລະພັກແດໂມແຄຣຕິກມີຄວາມຂັດແຍ້ງທີ່ໜັກໜ່ວງໃນບັນຫາກສ້າງກຳແພງຕາມຊາຍແດນອາເມລິກາແມັກຊິກ, ບັນດາຝ່າຍບໍ່ໄດ້ມີຄວາມເຫັນເປັນເອກະພາບກັນໃນຍັດຕິງົບປະມານ, ຈົນເຮັດໃຫ້ອົງການລັດຖະບານສະຫະລັດອາເມລິກາ1/4 ປິດປະຕູແຕ່ຕອນຂ້ອນແຈ້ງວັນທີ22ທັນວາປີຜ່ານມານີ້, ຈົນມາຮອດວັນທີ 19 ມັງກອນນີ້ເປັນເວລາ 29 ມື້, ເຊິ່ງໄດ້ສ້າງສະຖິຕິໃໝ່ໃນປະຫວັດສາດ.
ຄຳເຫັນ
0