ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມັງກອນນີ້, ທ່ານ ນິ້ງຈີເຈີ ຫົວໜ້າອົງການສະຖິຕິແຫ່ງຊາດຈີນ ກ່າວຢູ່ນະຄອນຫຼວງປັກກິ່ງວ່າ: ປີ 2018, ຈັງຫວະການເຕີບໂຕຂອງການລົງທຶນຂອງຈີນອ່າວຊັກຊ້າລົງຢ່າງຊັດເຈນ, ແຕ່ການລົງທຶນໃນຂະແໜງການຜະລິດແລະການລົງທຶນຂອງເອກະຊົນໄດ້ເພີ່ມຂຶ້ນໄວ.
ທ່ານ ນິ້ງຈີເຈີ ກ່າວວ່າ: ໃນປີ 2018 ການລົງທຶນດ້ານອະສັງຫາລິມະສັບ (ບໍ່ລວມທັງຄອບຄົວກະສິກອນ) ໃນທົ່ວປະເທດ ໄດ້ບັນລຸຫຼາຍກວ່າ 63.000 ຕື້ຢວນ, ເພີ່ມຂຶ້ນ 5,9% ເມື່ອທຽບໃສ່ປີ 2017, ຄວາມໄວເພີ່ມຂຶ້ນໄວກວ່າ 3 ໄຕມາດກ່ອນຂອງປີຜ່ານມາ 0,5 ຈຸດ. ໃນນີ້, ການລົງທຶນຂອງເອກະຊົນບັນລຸ 39.000 ກວ່າຕື້ຢວນ, ເພີ່ມຂຶ້ນ 8,7% ແລະໄວກວ່າ 2,7 ຈຸດເມື່ອທຽບໃສ່ປີ 2017. ສ່ວນໃນເດືອນທັນວາຜ່ານມາ, ການລົງທຶນດ້ານອະສັງຫາລິມະຊັບໄດ້ເພີ່ມຂຶ້ນ 0,42% ເມື່ອທຽບໃສ່ເດືອນພະຈິກຜ່ານມາ.
ຂະນະດຽວກັນ, ການລົງທຶນໃນຂະແໜງການຜະລິດເຕັກນິກຂັ້ນສູງແລະຂະແໜງການຜະລິດອຸປະກອນ ຕ່າງກໍໄດ້ເພີ່ມຂຶ້ນ 16,1% ແລະ 11,1% ຕາມລຳດັບເມື່ອທຽບໃສ່ປີ 2017, ແລະໄວກວ່າ 6,6 ຈຸດ ແລະ 1,6 ຈຸດ.
ຄຳເຫັນ
0