ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 21 ມັງກອນນີ້ວ່າ: ອາເມຣິກາອ້າງເຫດຜົນເພື່ອຄວາມໝັ້ນຄົງແຫ່ງຊາດຕາມລຳພັງໃຈ ເພື່ອໃສ່ຮ້າຍປ້າຍສີແລະກີດກັ້ນການເຄື່ອນໄຫວທຸລະກິດປົກກະຕິຂອງວິສາຫະກິດຈີນ. ອາເມຣິກາບໍ່ຫົວຊາຕໍ່ຄວາມເປັນຈິງ ແລະລະແວງຈົນສົງໄສທຸກສິ່ງທຸກຢ່າງນັ້ນ ແມ່ນແຕ່ພັນທະມິດຂອງເຂົາເອງກໍຮູ້ສຶກວ່າມັນເປັນເລື່ອງຕະຫຼົກ.
ມີຂ່າວແຈ້ງວ່າ: ເມື່ອບໍ່ດົນມານີ້, ເຈົ້າໜ້າທີ່ອາເມຣິກາໄດ້ເຕືອນໃຫ້ອິສຣາແອນຍົກເລີກໂຄງການທີ່ຈີນລົງທຶນໂດຍສະເພາະແມ່ນໂຄງການກໍ່ສ້າງທ່າກຳປັ່ນໄຮຟາ. ຕໍ່ກໍລະນີນີ້, ເຈົ້າໜ້າທີ່ອິສຣາແອນທີ່ບໍ່ປະສົງອອກນາມຜູ້ໜຶ່ງກ່າວວ່າ: ຄຳເຕືອນຂອງອາເມຣິກາກ່ຽວກັບໄພຂົ່ມຂູ່ເຖິງຄວາມໝັ້ນຄົງຈາກຈີນນັ້ນຄືເລື່ອງຕະຫຼົກ. ຖ້າຫາກຈີນຢາກເກັບກຳຂ່າວລັບ, ກໍສາມາດເຊົ່າເຮືອນອາພາດເມນຊຸດໜຶ່ງຢູ່ເມືອງໄຮຟາ ຫາກບໍ່ແມ່ນລົງທຶນມະຫາສານສ້າງທ່າກຳປັ່ນແຫ່ງໜຶ່ງ.
ຕໍ່ກັບເລື່ອງນີ້, ທ່ານນາງຮວ້າຊຸນຢິງກ່າວວ່າ: “ອາເມຣິກາຖື ຄວາມໝັ້ນຄົງແຫ່ງຊາດ ເປັນຂໍ້ອ້າງຕາມລຳພັງໃຈ” ເພື່ອໃສ່ຮ້າຍປ້າຍສີແລະກີດກັ້ນການເຄື່ອນໄຫວທຸລະກິດປົກກະຕິຂອງວິສາຫະກິດຈີນ. ໃນບັນຫານີ້, ອາເມຣິກາບໍ່ເອົາຫົວຊາຕໍ່ຄວາມເປັນຈິງມີແຕ່ລະແວງສົງໄສທຸກສິ່ງທຸກຢ່າງອີກແລ້ວອີກຕື່ມ ແມ່ນແຕ່ພັນທະມິດຂອງອາເມຣິກາເອງກໍຮູ້ສຶກວ່າເປັນເລື່ອງຕະຫຼົກ, ຍັງຈຳເປັນໃຫ້ຈີນວິເຄາະອີກບໍ່?
ຄຳເຫັນ
0